[عادل صموئيل]

احبائى
انا اعتذر عن الغياب عنكم , طبعا وفاة الفنانة الكبيرة وردة , ( وشادية كمان بتمر حاليا بمرحلة صحية حرجة جدا ) , اثر فيا كتير لأنها عشرة اكتر من عشرين سنة فى احلى ايام حياتى واجمل ايام الزمن الزمن الجميل واللى مش حاترجع تانى , لكن المشكلة مش كده خالص , ده اولا قدر الله واللى مفيش عليه اعتراض , ولأن العظام بيرحلوا بأجسادهم فقط لكن اعمالهم باقية هم اكيد بيأثروا فى المتعملين معاهم شخصيا لكن بالنسبة للجماهير مش بيموتوا يعنى عبد الحليم مثلا شوف متواجد اد ايه , يعنى فى الراديو المذيعة بتقدم الاغنية بتقول عبد الحليم يغنى .. او غنى عبد الحليم عمرهم ما بيقولا المرحوم عبد الحليم وده بالطبع للجميع ,, لكن الحاجة اللى حصلت وعملت لى مشكلة فى دماغى .. مشكلة خطيرة عمرها ماحصلت لى فى حياتى جعلتنى اعتزل عن الدنيا بل وتمنيت اموت قبل ما ييجى اليوم ده , البلد مشغولة فى النتخابات واللى نتيجتها اكيد حاتضيع مصر .. فى وسط الانشغال ده للشعب ابتدت طيور الظلام تنهش فى الباقى من مصر .. واحكى لكم
اولا انتم عارفين ان مصر طول عمرها عاصمة ومهد الفن وكل الفنون والحضارة وكل انسان يهدد الفن ده يبقى خاين لمصر زيه زى الجاسوس بالظبط .. اول القصة بدأت ان التيارات اللى ابتدا صوتها يعلو يعد الثورة ابتدت تهدد الآثار وعايزين يدمروها ودى طبعا اغلى تراث حضارى فى العالم مش فى مصر فقط .. بعدين كل شوية يطلعوا علينا بمصيبة .. يعنى مرة حطوا على نجيب محفوظ وكلكم عارفين قيمة نجيب محفوظ العالمية وعايزين يحرقوا كل كتبه واتهموه بالكفر ,, وللعلم شكلهم ماقروش حاجة لنجيب محفوظ او اى حد اصلا .. لن النوعية اللى بيكتبها نجيب محفوظ مثلها مثل احسان عبد القدوس وعشرات من اكبر كتاب العرب والعالم .. يعنى لما نحرق نجيب محفوظ يبقى بالتالى لازم حانحرق الكل يعنى نردم الثقافة فى التراب .. واعتقد ان الدين ماقالش كده .. وخدوا من ده كتير .. مرة فى حلقة برنامج الحقيقة لوائل الإبراشى استضاف احد كبار شيوخ السلفيين عايز يمنع كل الاغانى .. سألأه وائل ليه ؟ قال يعنى الشاب لما يسمع والشعر الغجرى المجنون مش دى بتحرك الغرائز ؟ ورد عليه وائل الابراشى هو عندكم كل حاجة بتحرك العغرائز هو احنا حيوانات فقط يا فضيلة الشيخ ؟
المهم نيجى لأكبر مصيبة ..
عندنا فى مصر شارع اسمه شارع محمد على .. الشارع ده دول عمره كان اسمه شارع الفن يعنى اكبر تجمع لمحلات الآلات الموسيقية فى العالم العربى وفيه كذا مصنع لإنتاج العود بتنتج اكبر عدد من الاعواد بغختلاف نوعيتها يعنى من اول اقل حاجة لحد التحف .. زائد فيه كل اللى بيشتغلوا فى صيانة واصلاح الآلات الموسيقية .. واهم مافيه ان فيه مجموعة وحيدة من كبار مستوردى الآلات الموسيقية فى مصر .. يعنى انت لو فى اسيوط وعايز اى غرض بتنزل شارع محمد على .. فيه محلات تعد على الاصابع متفرقة فى الجمهورية لكن بياخدوا بضاعتهم من شارع محمد على .. كمان لو انت فى المحلات العامة زى عمر افندى مثلا بيوجد فيها اورجات .. مش عمر افندى اللى بيستوردها ولكن بيشتريها من المستوردين اللى فى شارع محمد على ... وزارة التربية والتعليم فيها مادة اسمها التربية الموسيقية ,, وطبعا الماة دى مش نظرى يعنى بتشترى آلات موسيقية منين ؟ من محلات كبيرة جدا جدا فى شارع محمد على لنه هو اللى بيستورد احتياجات المدارس ,, يعنى الاكورديون مثلا فى المدارس بيستعملوا اكورديون 32 باص واكسليفونات للمدارس وكمنجات صينى من الرخيصة للطلبة وكل الآلات بتاعة المدارس بيستوردها المستورد الكبير اللى اسمو ( جوهرة الفن ) لنه هو الوحيد اللى وابوه واجدادة بيستوردوا الآلات دى من الصين واوروبا .. عندك الفرق السيمفونية العسكرية للجيش والشرطة والبحرية .. آلات النفخ دى كلها وزارة الدفاع والشرطة بتشتريها من شارع محمد على او بيطلبوا طلبات محددة من المستورد وهو بيجيبها .. كل الاورجات والجيتارات وكل ما يخطر على بالك من قطع غيار .. يعنى فى فرقة الجيش لو آلة عطلت بصلحها فين ؟؟؟ مفيش مكان غير شارع محمد على .....ابتدت القصة ان حزب النور السلفى اشترى شقة فى شارع محمد على .. المفروض ان قبل مايشتروها او انت قبل ماتشترى شقة تشوف المكان ينفع انت تعيش فيه ولا ما ينفعش لأنك المكان موجود وانت الجديد عليه .. يعنى ماينفعش انا اشترى شقة فى شارع عمره اكتر من 500 سنة وعايو اغير الشارع على مزاجى وبالذات فى حاجة ماليش فيها اى علاقة ... عندهم جماعة اسمها الامر بالمعروف والنهى عن المنكر ... اول شىء الجماعات دى مالهاشس مكان فى مصر .. وطبيعتها او البلد الموجودة فيها اتولدوا لقوها ومتقبلينها ( او مش متقبلينها ) لكن فى بلد فيها قوانين واحنا بنخضع للشرطة وللقوانين ماينفعش اى حد مالوش صفة رسمية يطلع عايز يغير شكلنا بالقوة .. راحوا الجماعة دول للمحلات وقالوا لهم ان الموسيقى حرام والآلات الموسيقية دى رجس من الشيطان وحددوا لهم فترة يغيروا نشاطهم ,, ( طبعا ماتنسوش انهم فى التسعينات كانوا بيحرقوا محلات الفيديو ) ولما رد عليهم واحد قال لهم انا شغلتى صناعة العود ابا عن جد اغير نشاطى ازاى او آكل منين قالوا لو ربنا يرزقك .. اولا رزق ربنا ده معناه انى انزل شغلى واقول يارب ارزقنى لكن لما ييجى حد يقطع ايدى او يقطع عيشى .. السما مش بتمطر فلوس ,, بعدين كل واحد شاطر فى مهنة بيحس انو ملك .. ما يجيش حد بفكر مغلوط عن الدين يحكم عليه يغير شغلته !!!!!!
طبعا الموضوع لو ابعاد خطيرة اخطر من المحلات والآلات .. انت لما تحرق الآلات يبقى بالتبعية لازم تحرق كل الاغانى والشرائط والاسطوانات والافلام والمسلسلات يعنى تمنع الموسيقى من البلد .. والغاء مادة التربية الموسيقية فى المدارس وتتقفل المسارح والاوبرا
وللعلم كباريهات شارع الهرم اللى بيعتبروها رجس من عمل الشيطان اشتروها كلها بالإكراه مش فاضل منها ولا واحد ... انا الشىء اللى عمل لى اكتئاب انا اغلى حاجة فى حياتى الموسيقى لما ييجى واحد عايز يحرمنى منها .. يعنى مثلا لو عايز اجدد شعر قوس الكمنجة او محتاج وتر ؟؟ حبطل اعزف ؟؟؟ حتى لو فى الفرق الموسيقية اى عازف لو اتقطع عندو وتر حايتعطل وبالطبع لازم حاتتقفل كل المعاهد الموسيقية والكونسرفاتوار ... حسيت اننا رجعنا لأيام التتار ... والسؤال ان الدين اول مانزل هل نزل عشان اسعاد البشرية ولا عشان تخريب كل حاجة ونخلى الدنيا خرابة ؟؟؟
يعنى تخيل عايزين يلغوا السلام الجمهورى ؟
انت لما تسمع اغنية دينية لأم كلثوم او عبد الوهاب تأثيرها الدينى على المستمع اكثر من 100 وعظ ... جمال عبد الناصر زمان كان لو عايز الشعب يحس بحاجة او يتوجه توجيه كان بيخلى عبد الحليم يغنيه لأن تأثير الاغنية اكثر من الخطاب مليون مرة لن الخطاب بيتقال مرة لكن الاغنية بتتذاع مليون مرة .. احنا كنا بنشتكى خلال عهد مبارك من انتشار الفن الهابط .. لما شلنا مبارك عايزن نلغى كمان الفن الجميل ؟؟؟
والكارثة ان قبلها بإسبوع الاخوان عملوا حركة مع الوزارة وغيروا 4 وزراء وطبعا الوزراء الجدد ومنهم وزير الثقافة من الخوان .. ازاى اجيب وزير ثقافة من تيار بيتعارض مع الثقافة ؟ مع اطيب تحياتى