عرض مشاركة واحدة
  #10  
قديم 24/06/2007, 18h25
MMS2006AA MMS2006AA غير متصل  
ضيف سماعي
رقم العضوية:23575
 
تاريخ التسجيل: avril 2007
الجنسية: مصرية
الإقامة: مصر
المشاركات: 4
افتراضي رد: المونولجست سيد الملاح

هذه سمسمية ظريفة جدا للفنان العبقرى الراحل سيد الملاح عن الفول
شوفوى بيقول إيه وبيعرف بسهولة يلعب بالكلام كأنه عجينة فى إيده
اسيبكم تستمتعوا بيها بس يا ريت اللى عنده السمسمية دى يرفعها لنا لوجه الله ها اموت يا أخواتى على سمسمياته
كم صنفاً يصنع من الفول
كم صنفاً يصنع من الفول
فى المطبخ يا زوجتى قولى
امرأتى قالت بحماسة
اسمع واكتب فى كراسة
أول صنف فى الدماسة
يلمع كاللوز أو اللولى
الله على الفول ألله
دا ألذ مأكول الله
كم صنفاً يصنع من الفول
الصنف الثانى طعمية
فى السمن السايح مقلية
هى تشبة كفتة مشوية
صنعت من فول مبلول
الله على الفول ألله
دا ألذ مأكول الله
كم صنفاً يصنع من الفول
والصنف الثالث بيصارة
أطبخها دايماً بمهارة
لو أصنع منها قوارة
تنزل فيها كالمهبول
الله على الفول ألله
دا ألذ مأكول الله
كم صنفاً يصنع من الفول
والفول النابت فى الطب
يوصف فىالشربة
هو فى السهرات كما اللب
من يأكله يبقى عزول
الله على الفول ألله
دا ألذ مأكول الله
كم صنفاً يصنع من الفول
والفول الأخضر يا اخواتى
هو حبوب يدعى حراتى
أبعث للريف تحياتى
هو يزرعه ويجيبهولى
الله على الفول ألله
دا ألذ مأكول الله
كم صنفاً يصنع من الفول
الحمد لرب يعطينا
فولاً من زرع أراضينا
ليغذينا ويخلينا
نمشى بذراع مفتولى
الله على الفول ألله
دا ألذ مأكول الله
كم صنفاً يصنع من الفول
رد مع اقتباس