[حسن كشك]

المبدعه الكريمه دعاء
وزوجها طبعا
الكلام مش كبير عليكى ابدا لا دا اقل مما يستطيع اى واحد فينا قوله
وها اقولك ليه
اعادتينى لدنيا واشخاص ووجوه ومواقف راحت وانقضت ولن تعود ابدا وفى الصور الكثير من الدروس الفنيه
- هناك طريقة التصوير وامكانياته وقتها واللى بنشوفها فى البوزات اللى الفنانين واخدينها فى صورهم وكانت كل صوره تعتبر موضه فى طريقة التصوير ايامها
- الخطوط المستعمله فى الكتابه سواء كانت عربيه او افرنجية وطريقة استخدامها وتوزيعها داخل الورقة وادعو البارون سيد المشاعلى لرؤية الخطوط العربية المستعمله واغلبها الديوانى وفرى هاند ورائع الخطاط اللى كتبها
- طريقة اخراج الاعلانات زمان ووضع الصور السهل البسيط الغير معقد وظاهر جدا ان كل واحد من النجوم كان واخد حقه فى الاعلان جدا ولافرق بين نجم كبير وصغير
- نداره الصور فعلا ومنها صور اراها لاول مره وخاصة صورة سيد درويش وهو واقف
- صوره محمد عثمان ( واكيد هو ابو عزيز عثمان ) وشكله الغريب وصغر سنه فى الصوره وطريقة تسريحه شعره
- ازياء زمان وتسريحات الشعور سواء رجالا او نساء
- راينا صور لاسطوانات واغلفتها وكانت لهم طريقه جميله فى تصميمها ممكن نستخدمها فى عمل استيكرز لاسطوانات ال سى دى والدى فى دى اللى مسجلين عليها مواد نادره وقديمه
- لو فعلا الاسطوانات دى عندكم ياريت تكملى جميلك وترفعي محتواهم على المنتدى
- عشنا ايام شباب كل من جاء فى الصور وعشنا ايام مجدهم واظن اغلبهم ان لم يكن جميعهم فى ذمة الله حاليا وعرفنا ان كل شئ زائل ولايبقى غير السيره الحسنه ووجه الله - عشنا حياه جيل كامل لم يعد موجودا الا ذكرى وصور تعرضها ايدا امينه مثلكما فيعود اصحابها الى الدنيا من جديد
يعنى الصور بصراحه تعتبر مرجع رائع لحاجات كتير جدا ووصله تاريخيه رائعة

اشكركم نيابه عن كل من اخذ وسيأخذ فائدة من تلك الصور