Re: دروس النوتة - للأستاذ محمد الألاتي
أستاذنا محمد الآلاتي /
أولا لا شكر على واجب و بعدين انا مش بجامل أنا بتكلم جد أنا راجل أصلا مش موسيقي أنا مهندس بس هاوي عزف عود و كنت بتمنى في يوم من الأيام الاقي حد يعلمني النوتة من الصفر زي ما سعادتك تفضلت و قولت قبل كده لكن مكنتش لاقي و لفيت على كتب كتير و مواقع كتير و كل اللي داخل يتكلم في موضوع تعليم النوتة بيكلم الدارس على انه محترف أو على الأقل عنده خلفية عن الموضوع فبيني و بينك انا كنت بزهق و بمل و بطنش و بقول يا عم انسى بلا نوتة بلا بتاع لكن اكلمك الصدق انا شوفت طريقة شرحك و تابعتها و بدأت امشي فيها واحدة واحدة لقيتك بجد بتشرح بأسلوب متميز راقي و باديء من الصفر و متدرج للأعلى و ان شاء الله للقمة أنا حاليا بستفيد و أعلم تماما ان كل اضافة بتضيفها كلنا بنستفيد و ده اللي مخليني نفسي اقدم اي خدمة من قلبي و الله
و عموما انا قريت الحوار اللي دار بينك و بين الأعضاء و أنا موافقك مليون في المية إنك تقدم شرح النوتة بطريقتك الخاصة و بدون تدخل خارجي من حد لإني بصراحة كراجل لسه بتعلم شايف إن اسلوبك حلو و متميز و سهل و بيركز على الفهم اكتر من الحفظ العمياني .. سر على بركة الله ... أخوك محمد
|