[بريكسي فريد]

المشاركة الأصلية كتبت بواسطة بريكسي فريد

القسم الثاني

قلت لصحابي سيروا ليه بالعزم دغي دوروا بيه * وثقوه و جيبوه حتى يكون قدامي *
أمامي نزنكو و نفرجكم في المقيت * مهما قبضوه و جابوه سليت عليه السيف باش ندميه *نطق بمواجب الشرع * قال انا بالله و النبي تعمل لي الحق يا الباشا * ما انا الا نايبة * و السلطان الله ينصره و يدوم علينا ساعته * و يعز الباشات و الخلايف و قياد الحكام * و شياخ قبايلنا رعية الملك بعز الهمام * بهم يفخر من هو بحالنا مسكين و قلين * حامد الله على الهنا بهبة الملك * تعيش العباد و احنا طاعة لله قلت له * مالك يا صاحـب الخديعـة تهرب * يا خايب الطبيعة من ضيف الله آ الباخس * ياك انا ليك جيت ناخد مالك نجزيه * على رقبتك وجبت برات سيدنا مطبوعة * و المير كلمته مسموعة * و الله ما ينفعك مني حتى هروب * قال أ صاحب سيدي ما مشيت الا نفكر لك في مونتك و نوجد لك كل ما يخصك + قالت له هذا بهوت منك * لو كنت يا الخندريسي طاعة تديني لقلب دارك * و تجلسني على فراشك و تفرح بي كثير * قال أ صاحب سيدي لا تقوي هدرة * هذا الكلام مرجوع عليك راك بالخزاين * و اصحابك عند كلمتك و العساسة حارسين يحضيوا * الغرة كاملين و انا داري هي حرام تدخلها * لو نمشي في سبيب البغلات لا تقوي لومات * لا تخوفني لا تقلي الحوت علي * ياك الدين و ضيف الله الجوامع تبنات * في المدون و قريات * هكذا عادتنا و حنا اهل البادية * ضيفنا ما يدخل للدار ما تسوقه عثرات * فين و الا له يبات في الربيع مع الصيف * و حالة الخرفية و لمسايد في ايام البرد كاينة و الغرفات خود صحة الانعات * كان ردتي لحقيقة عود تصغى لي عساك انتيا باشا بقوم شلا عدات كلمة المير كفات * لاش تطمع في الدار اللي محصنة محضية.

مال حراز غزالي ما يتيق بي هيهات * غير حاضي الاوقات * في ثيابه مسلم و فعايله رومية

القسم الثالث

جيت له في صفـة الغـلام * نخدمـه طاعـة دون كـلام * قلت له اسيدي و انا وصيف و محرر * حررني اللي شراني * و دعني في سبيل ربي و قصـدتـك لك رام قلـبـي و نويت الخير فيك * وجابتني الايام ليك و انا مرزاق و اسمي مبارك * و اللي مبروك كتخدمه لحرار مع العبيد * و انت ودك ربي من نتاعه و اعطاك المال * لا تكني ما عندك مني يقابلة لحيـن انـت رجـل وحيـد * و انـا نقـدف بيـك فـي المسايـل و تسخرني لكل حاجة في البعيد مع القريب * عسى تعمل لي شي نصيب * في الكسـوة و السـبـاط و الاجـارة * يسمـح فيهـا عبـد الجـواد أيـلا قبلـوا عليـه * يبغيوه و يكرموه ما يدوزوه * و هو ما يدوز سيده و الدنيا سايرة و الايام تفوت * و خود ليك راحة و اغنم وقت السرور و انا نتسخر ليك * شاين تامرني به خفيف العظام مسروخ على الرمشة * كل ما تامرني بها ظني نفعله هذا حق الوصيف * الطاعة لسياده * و قال لي سير فحالك لا تطوف بيا لا تقربني * ما نخالط لكحل و لا انعاشره * طول زماني ما كسبت لكحل * ما خالطته ما حملته ما عاشرته ما قبلته ما عندي فيه خير * غير الا كان خلوق من متاعي و زيادة في المراح * انا ظاهر لي فيك جيت تختلني تغدرني في شي مسالة بعد مني * و قال قفي لا تمشي دون غرض يا بو دعوات * يا قبيح الخزرات * كل من كسبك عنده فيك غير السية * قلت له خاف من الله لا تكون تجهل لشيات و الخلايق صفات * كل خلق سراره في دواخله مكمية * قال لي سير في حالك لا تكون تحضي الغرات * من خيار البتات ردت تشتمني ما تقضي معايا مزية * لا تخاطبني بالمحال * كل من داعي فات من امثالك هفات * ما نكسبك و لو نسكن ارض خلية * عساك انايا بقبيلتي * و ناس العزوات الرادين القسرات ما احتاجت عليك لسخرة و لا لحمية.

مال حراز غزالي ما يتيق بي هيهات * غير حاضي الاوقات * في ثيابه مسلم و فعايله رومية