احبائى
اقدم لكم لحن لصباح تلحين فريد غصن
اكتر من حياته
اللحن ده فكرنى بالحوار اللى فتحتوه من مدة عن صحفى كاتب ان عبد الوهاب سرق كذا لحن من فريد غصن وعملهم لأم كلثوم ... اى ملحن بيبقى له نكهة فى شغله يعنى اول مانيمع نقول ده لحن فلان .. وان اختفت النكهة فى الوهلة الاولة بتظهر داخل اللحن ... وان مكانتش ظاهرة اوى نظرا لأن الملحن بيكافح ان الحن يبقى جديد ما فيهوش جملة شبه حاجة قبل كده .. لكن املدون الموسيقى بيختلف عن المستمع او العازف .. لنه اثناء التدوين بيغوص داخل اللحن .. يعنى فحص وتشريح دقيق جدا جد عشان ادون لكم اللحن .. يعنى كل مازورة ببسكعها كذا مرة وافهمها تتكون من ايه وبعدين ادونها ساعات بيبقى فيه موازير غامضة لأول وهلة مش سهلة لكنبحاول فيها لحد ما اعملها ... وتميز البرنامج الموسيقى انى بضغط على المسطرة كل كام مازورة اتأكد م اللى كاتبه .. الخلاصة ... احن اكتر من حياته قديم واكيد انا سمعته مئات المرات لكن هذا المرة دخلت جوه تلافيفه .. ومن هنا اؤكد ان اللى لحن هذا اللحن مش ممكن يكون هو الى لحن اى احن من الاغانى المنسوبة لعبد الوهاب
مع اطيب تحياتى