ســاعة الجـد
(السـد العالى)
حسين السيد
كرد
1958
ساعة الجد دقت ياعمال الغد
ساعة الفتح الظلم انهد واحنا وراه
ملايين تتعد نحفر فيه قيموا السد
الوطن اتحرر والنصر كفاحه اكبر
عايزله دفتر يبنى ويزرع ويعمر
مش قاصدين غير عون الله
ومفيش غيره حانترجاه
آدى دراعى وانت معاه
يحموا النيل و يقيموا السد
ساعة الجد دقت ياعمال الغد
ساعة الفتح الظلم انهد واحنا وراه
ملايين تتعد نحفر فيه قيموا السد
طول محنا حبايب
انا وانت نسوى عجايب
بالنار حانحارب
والنار دى فى ايد الغالب
شارع المجد طريقه بعيد
ارضه شوك مزروع فى حديد
عايز همه وعزم شديد
يحموا النيل و يقيموا السد
ساعة الجد دقت ياعمال الغد
ساعة الفتح الظلم انهد واحنا وراه
ملايين تتعد نحفر فيه قيموا السد
اليوم ده يومنا
ويوم على كبير فى قلوبنا
علشانه جاهدنا
وكتبنا تاريخنا بايدنا
عزم ايدينا كان فى جبال
تحت الميه ف ارض قنال
لما رفضها وقالها جمال
جبنا ايدينا وقيموا السد
ساعة الجد دقت ياعمال الغد
ساعة الفتح الظلم انهد واحنا وراه
ملايين تتعد نحفر فيه قيموا السد
الجبل العافى
حاتزيحه ايديك وكتافى
بالعزم الوافى
وبعرق القلب الدافى
ياولاد عم عرب احرار
ياصحاب ارض فراعنه كبار
جيش النصر عايز ثوار
يحموا النيل ويقيموا السد
ساعة الجد دقت ياعمال الغد
ساعة الفتح الظلم انهد واحنا وراه
ملايين تتعد نحفر فيه قيموا السد