اقتباس:
المشاركة الأصلية كتبت بواسطة عادل صموئيل
احبائى
اقدم لكم اغنية هانى شاكر
نسيانك صعب اكيد
الاخت العزيزة مادلين طلبتها وانا للعلم الاغنية دى موزعة وانا مش بحب ادون الاغانى الموزعة لأن المايسترو بيركز مع التوزيع وبيترك المطرب يقول بمزاجه والمطرب ما فيش تحته كمنجات بتقول معاه تخليه يلتزم بالنوتة كمان فيه صولو جيتار ممكن يلعب حاجات من عنده والحاجات دى بيبقى صعب تدوينها المهم كنت حعتذر بس حصلت حاجة تضحك عشان تعرفوا ان الفنون جنون .. الظهر دخلت غرفتى انام فوجئت حد بيخبط تحت .. البيت ملكى بس الدور الارضى فيه محلات متأجرة ومخزن حد تحت دق وفضل يدق .. وانا نومى صعب جدا يعنى لو حاجة ازعجتنى خلاص النوم مش ممكن يرجع تانى وفضل يدق وانا اقول طيب يمكن يسكت مفيش .. نزلت اتحانق بقا اولا لأنه لازم ياخد اذنى انا صاحب البيت لما يعمل اى حاجة وكمان اشوف بيدق ف ايه طلع بيركب رفوف المهم اديته كلمتين قال خلاص مش حكمل قلت لأ كمل ( عشان ما يجيش يكمل بكرا ويضيع نومى تانى خلاص النومة باظت ) المهم وانا متعصب افش غلى ف ايه ..مسكت الحن ده ودونته .. حظك حلو مصائب قوم عند قوم فوائد مع اطيب تحياتى |
*********
شكرا أستاذنا الكبير عادل صامويل فعلا تدوينات رائعه و دائما في الموعد لإمتاعنا الله يعطيك العافيه و جزاك الله كل الخير فقط يا ريت لو تأخذ بعين الإعتبار ملحوظتين عند كتابة النوته الموسيقيه و في تقديري مهمين :
1 : ذكر صاحب الأغنيه
2 : وضع علامة fin عند نهاية اللحن .
سيدي الكريم مثلا هذه الأغنيه الرائعه لهاني شاكر نسيانك صعب أكيد تلخبطت في معرفة مقامها فمقام عجم الصول عوارضه الفا دييز و نهوند مي كذلك و أيضا كرد السي و بمعنى أدق يا ريت ذكر المقام و بعد إذنك لا تنصحني بالإجتهاد وأكتشاف المقام بدقة السمع لمعرفة روح أي مقام فالتنويت الدقيق وجوبا يفرض وضع علامة نهايه أو fin عند نهاية اللحن أي درجة الركوز و التي تسهّل لحد كبير في معرفة المقام للمبتدئين على الأقل و أعتذر مجددا أستاذي الغالي و تأكد سيد عادل أن ذلك مهم جدا لكل عازف و حتى للباحث أو المحلّل و بالأخير قد لا يعني ذلك كثيرا بالنسبة للأغاني الكويله مثل أغاني الست و تلك التحويلات الكثيره و شكرا لكم أدام الله في عمركم و حفظكم الله ❤🎼👍🎼