[دعاء الشريف]

من كتر الضحك يا اعظم دكتور في الدنيا ..
مش عارفه اكتب لحضرتك رد اصلنا لسه بنكركر (من موضوع حنفي ده)
وسيادتك بتفتح باب جميل للنقاش وبتحلل باسلوب رائع .. أنا بحب نجيب الريحاني جدا
زي حضرتك وعندي له حاجه بتاعته شخصيا كانت في بيته وكان بيعتز بيها انشاء الله حوريهالك .. بالنسبة لكلامك الجميل علي الصورة وتحليلها .. فبيلفت نظري فيها
ان كل واحد عارف مقامه الفني منغير غرور ولا تواضع ايضا فالاسدين قاعدين في نص
الكنبه أسد التراجيديا (والكوميديا بعد ذلك أيضا) واسد الموسيقي والسلطنة وكل واحد فيهم حاطط رجل علي رجل عكس بعض (شوف ازاي) وكمان الكتف في الكتف والسبب (اخلاق هذاالعصر) يوسف وهبي بك متزحزح حبتين لان بجواره سيدة (ليلي مراد)
لدرجة ان الريحاني قاعد يا دوب بالعافية وان كان ذلك متماشيا مع ادواره
التي كان يلعبها دائما (أنا كده حظي كده) عبد الوهاب يحافظ في جلسته علي الشياكة (فهذاكان ظهوره الأول منذ سنوات عديدة) أما يوسف بك فيمسك في يده فنجان من القهوة ولا ينتظر حتي اتمام اللقطة .. (سيادة العميد بقه "المسرح طبعا ")
ليلي مراد وهي النجمة المتوجة فعلا طايره من الفرح وهيه بتتصور مع الاهرامات دي
وكأن هذا كان وعدا قطعه لها زوجها بأن يجمع أمامها وفي فيلم من بطولتها كل اهرامات الفن علي كنبه واحده .. لاحظ ان ليلي مراد تجلس بالقرب من انية زهور (بنوته) أما ثعلب السينما الماكر الجميل أنور وجدي فيعرف الاتيكيت جيدا جدا كيف لا وهو المخرج والممثل الكبير فهو يقف في الخلف من ناحية زوجته وليس في المنتصف بين العملاقين ..اما جلسة نجيب الريحاني ووضع يديه ونظرته الحزينة نحونا فدليلا علي أنه لا يزال متقمصا دور حمام الذي في الاغلب بعد هذه اللقطة سيكمل تمثيلها وهو لا يريد ان
يفقد صدق اداءه .. فقد ادي ربما بعد هذه اللقطة مشهد البكاء الخالد علي صوت عبد الوهاب الساحر او ربما كان قد اداها ولا تزال تؤثر فيه لصدقه .. رحمهم الله جميعا
طولت قوي انا .. معلش ..
.. تحياتي اليك يا دكتور أنس وبارك الله فيك ..
ايه الكلام الجميل ده كله يا استاذ (مصطفى318) هو أنا يادوبك أخلص كتابه الرد علي اعظم دكتور الاقي الكلام الجميل ده .. الف شكر ليك وتحياتي العطرة لسيادتك ..