خايف أقول اللي في قلبي
كلمات:أحمد عبدالمجيد
بياتى
التاريخ:1928
خايف اقول اللي في قلـــــــبي تتقل وتعند ويايا
ولو داريت عنك حبي تفضحني عيني في هوايا
أنا زارني طيفك في منــــــــــامي قبل ما حبك
طمعـــنى بالوصــل وســابني وانا مشــغول بك
عايز اعاتبــه لكن خايف يروح يقـول اني بحبك
ولو داريت عنك حبي تفضحني عيني في هوايا
صعبان علي أشـوف غيـــري عاش متهــــــني
راضي بقليــــلي ويرضيــــــــــــني بعدك عني
وأملي قربك ونعيــمي واقول لقلبي اني بحبك
ولو داريت عنك حبي تفضحني عيني في هوايا
يســــألني ما لك وانا حالف اني أخبــــــــــــي
والعيـــن خانــــتني وبات عارف اللي في قلبي
روحي وحياتي تعالالي ما دام عرفت اني بحبك
ولو داريت عنك حبي تفضحني عيني في هوايا