أكبر حب
كلمات: حسين السيد
التاريخ:الستينات
والله وعرفنا الحب والحب فى بلدنا أتعلمنــــــــاه والله
من يوم ماصادفنا القلب والقلب أطهر قلب عرفناه والله
كان هو حبيب الشعب والشعب شــــاف ليلة قدرة معاه
وبأرواحـــنا عاهدناه وبحيــــــــاتنا ناصرناه
أكبر من ده حب مفيش غيـــــــــر حب الله وحبيب الله
ياللى حياتك هى حيـــــــــاتنا عارف ليه احنا اخترناك
شــوق الماضى لمجــــــد الحاضر كنا بنحلم بيه وياك
أمل الحاضر فى المستقبل لسه بقيت مشــــواره معاك
حلم وكان بيراودنا من اجيال ويواعدنا والله
وعاش من شــــافه طال الســـــــما بكتــافه
وبأرواحنا عاهدناه وبحيــــــــاتنا ناصــرناه
اكبر من ده حب مفيش غير حب الله وحبيب الله
الحرية كفاح ومبادئ صلى عليها الشعب وصام
كانوا زمان بيعلموه لنا املا وانشـا ورص كلام
وياك انت اتعلمنــــــاها ثورة حب ونور وسلام
حب الخيــــــــر كان رائدنا جوه بلدنا وبره بلدنا واللى عليه
فى بلاده شاركنا بجهاده وباروحنا عاهدناه وبحياتنا ناصرناه
اكبر من ده حب مفيش غير حب الله وحبيب الله
احنا بنينـــــــا فجر حياتنا وبنهديه لشباب يحميه
قد غرامه لحب بلاده ويعرف يكره مين يعاديه
معنى جديد فى الحب يا بلدى ياما شـــــقينا علشـان نلاقيه
حاربنا اللى حاربنا وكان النصر مسـاندنا ومشــينا ومدينا
وشــبابنا بيحمينـــــا وبارواحنا عاهدناه وبحياتنا ناصرناه
اكبر من ده حب مفيش غير حب الله وحبيب الله
حب الوطن العربى امانــــــه وفرض وعهــــــد على الملايين
كل ما نوهب خطــــوة كبيــــرة نحمى شـــرف المجد ســــنين
وحياة حبك لأجل عيونك يا فلسـطين راجعين راجعين راجعين
جيش تحريرك ايده فى ايدنا بكره هايعلن عيـــده وعــــــــــيدنا
يوم ما هيكسر ليله وينور قناديله وبارواحنا عاهدناه وبحياتنا ناصرناه
اكبــر من ده حب مفيــــــــش غير حب الله وحبيـــــب الله
والله وعرفنــــــــــا الحب والحب فى بلدنا اتعلمناه والله
من يوم ما صادفنا القلب والقلب أطهر قلب عرفناه والله
مع تحياتى