[صابر كولة]

السلام عليكم ورحمة الله وبركاتة
الشيخ ياسين التهامي في دار الاوبرا المصرية

كرام عشيرتى
اقيمت فى 26 رمضان سنة 1422 ههجريا الموافق سنة 2001 ميلادية

انا بشكر الاخ الجميل عاطف الدسوقي علي تقطيع الفيديو وفي الحقيقة الاستاذ/ عاطف هو الي علمني ازاي اضغط الملفات واحملها هنا في منتدي سماعي
بشكرك يا طوفا كل الشكر

وفي الحقيقة احب اعرفكم حاجة

انا الي بعزف علي اله الكولة الي هي الناي وكان معايا عازف الكمان الاستاذ/ طة وعازف العود الجميل المايسترو الاستاذ : محمد فرغل علي فكرة الاستاذ محمد فرغل دة المترجم الخاص للشيخ ياسين في اروبا وكل دول العالم وانا بجد بجد بحب الراجل دة جدا جدا
كان ديما مرح ومضحك جدا جد

مشواري مع الشيخ ياسين

انا كنت بشتغل من زمان مع الشيخ ياسين التهامي من سنة 83 وكنت بسافر كتير جدا واتنقل من بلد لبلد لحد سنة 93 كنت انا والاخ عماد عازف الكمانجة وديما كنت انا وعماد بنفهم بعض في التقسيم والارتجلات أثناء العزف كنا ديما بنتحاور ونشجع بعض في التقسيمات و بعدها انا مشيت وتركت عماد مع الشيخ ياسين بعدها انا جيت مصر وكنت معزوم عند الاستاذ/ عازف الكولة ابراهيم كولة قال لي اية رايك يا صابر تحب تشتغل مع ايهاب توفيق ؟؟؟ في الحقيقي انا كنت مستغرب ابراهيم كولة بص ليا وقالي في اية مالك ؟؟؟ انا قولت اوكي
والحمد الله انا مع ايهاب توفيق من سنة 93 ولحد دلوقتي

انا الحمد الله مع ايهاب توفيق

بس لما يكون فيه تسجيلات مع الشيخ بيتصل بيا علي طول وبيقول لي انا عندي ليلة في مولد كذا ؟؟؟
لو كنت فاضي اقول له اوكي

أحب اعرفكم حاجة الشيخ ياسين لحد النهاردة انا بشتغل مع الشيخ ياسين في المناسبات زي مولد سيدنا الحسين والسيدة زينب والسيد البدوي في طنطا واخ اخ وبس كدة اسيبكم مع الشيخ ياسين وانا آسف علي شان طولت شوية في الكلام
تحياتي صابر علي الشهير بصابر كولة