( 11 )
حبيبك اللى يحبك حافظ عليه وداديه
لو شوفته مخلص معاك إوعاك تفرط فيه
وازرع له شجر الوداد ومن المحبة ارويه
ودارى على شمعتك تلقاها دايما تقيد
وعشان ماتقضى الحوايج اقضيها بالكتمان
الصبر عند الشدايد ينفع أكيد ويفيد
ولما تطلع سرك منين ييجى الكتمان
وعشرة ع الشجرة خير منهم واحد فى الإيد
واللى يبيعك بيعه واعلنها بدون كتمان
وخلى عملك يوافق نيتك والقصد
واقبل الإعتذار عن فعل من غير قصد
زمان سمعنا مثل منه الحبيب القصد
( الورد مهما دبل يفضل عبيره فيه )