رد: رضــا علي 1929-2005
السلام عليكم جميعاً اعضاء منتدى سماعي
اضافة لــما ذكر عن الـموسيقار رضا علي أود اضافة بعض الـمعلومات توثيقاً و حفاظاً لــ حقوق الشاعر
لحن و غنا للشاعر عدنان السوداني الكثير
منها أغنية ( الحب يلعب ابكيفه )
كلمات الشاعر ( عدنان السوداني )
الحان الـموسيقار ( رضا علي )
غناء الفنانه الـمصرية ( فائزة احمد )
و أغنية ( عجيبة يا حلوة )
كـلـمات ( عدنان السوداني )
الحان ( رضا علي )
غناء ( عبد الصاحب شراد )
عجيبه
عجيبه يا حلو والله عجيبه تخلي الروح من بعدك غريبه
لا تنسه الهوى و تنسه الـموده و الـمخلص فلا ينسه حبيبه
ساكن بين جفني و بين عيني و كـل رمشة جفن ذكرك يجيني
شاركت الحمام آني ابحنيني لـمن عالغصن اسمع نحيبه
چانت لي الحياة اوياك حلوه و انت للگلب يا غالي سلوه
ذكرك على الساني احله غنوه و انت للگلب داءه و طبيبه
ياغايب علي ويمي عالطول فكري ابكل وگت وياك مشغول
لا تحسب حبيبي و ابد لا اتگول ينساك الگلب و انت حبيبه
..........
الأغنية 👆🏿👆🏿👆🏿مثبته في ديوان الشاعر عدنان السوداني ( كلام و لحن )
و أغنية ( لو هو الحلو )
كـلمات الشاعر ( عدنان السوداني )
الحان و غناء ( رضا علي )
( لو هو الحلو )
لو هو الحلو لو غيره لاله يحلالي العمر لو تم وصاله
احبه و گـلبي يهواه و احب العيشه وياه
هوه الروح و الريحان هو و من غيره العمر كـلشي ما يسوه
تبتسم حياتي و تصفه حلوه لو نور على و اشرق جماله
گـلولي اشعجب انت تحبه بس وحده تريده و تهوه گربه
جربته گـلت و اعرفت گـلبه مخلص و انتظر منه وصاله
ما طول ابحنينه ايحن اليه خل احمل لجل عينه الأذيه
و يجمعنا الهوى لابد سويه بالحب ننسعد نحيا ابظلاله
.......
الأغنية 👆🏿👆🏿👆🏿مثبته في ديوان الشاعر عدنان السوداني
( كلام و لحن )
ارجو من اعضاء الـمنتدى الأعزاء من تتوفر في مكتبته هذه الأغنيه ان يرفعها
و له كل التقدير الامتنان ....
و رداً على ما ذكره أستاذ سعد كريم أغنية ( هيه تدري اشگد احبها )
كـلمات الشاعر ( عدنان السوداني )
الحان و غناء ( رضا علي )
( هيه تدري )
هيه تدري اشگد احبها و لحظه ما فارگ دربها
هيه حلوه هيه تسوه گـلبي كـل حبه وهبها
هيه اجمل حب عرفته هيه احسن شي وصفته
و سلسبيل الحب رشفته من نسايمها و عذبها
گـلبي ما يقبل ملامه مغرم و ثابت غرامه
حبها و يعيش ابسلامه بين صحراها او خصبها
عن هواها اشلون اسله وين الگي منها احله
بنت فرات و امها دجله و الگـلب جنه حسبها
.........
الأغنية 👆🏿👆🏿👆🏿مثبته في ديوان الشاعر عدنان السوداني ( كلام و لحن )
|