من رواءع النميم
من اجمل ما قيل فى النميم
قال اللامين
من اوربا وباريس جاتها الملابس طرد
دى الى جمالها نسانى السنن والفرض
يعنى ملكات الجمال لو وقفوا طابور عرض
تفرق عنهن فرق السما من الارض
فى جمالها مااريت لا مسلمين لانصارى
وريقك العسل بل سكر العصارى
مديت للرمان اجنى وعيونى بصارى
قالت ماستواش اخدر جنيتة خسارة
وقاال الزعواط
اقيفى وكلمين ياماشية فى الداروب
لية بتبهدلين وتخلى عيشتى حروب
خصرك والكفل شركوا القميص موروب
وفوفق صدرك الرمان هيقطع زراير الروب
البنت الى بتشابة خدار النوبة
وانا مابى المنام الحلة حافى انوبا
اصبرى يانفس مهما الرياح مكذوبة
الحظ ما بيدوم يوم غالبة يوم مغلوبة
وقالت لى بريدك زى اخوى شقيقى
وصابة فوق تحت والوسط ضامرة رقيقى
ولوغابت عن البلد ثانية ولا دقيقى
تصف العمد للظابطة والتحقيقى
وقالت لى بريدك ياوليد الخالة
قلبى بيحن ليك والنفس ليك ميالة
من بعد العشا زاير لبيتنا تعالى
فرصة للقا وتشرح لامى الحالة
ماطايل العنب قالولى فى الشام تين
وزايناة الحسنة وعلى الخدود شامتين
رحت اسال عليها السمحة جاى متين
مدير الالمن قال لى فى المطار بايتين
مدير الشعبة واقف يرجع الفايتين
والى مجموعة اخرى من روائع النميم ان شاء الله
|