مصر .. والخونة
--------------
بالكدب جيبتوا ( السيسى ) حجة --- ياللى عايزينها خراب
الهدف ( مصر ) النهارده --- تبقا شعلة .. كوم تراب !
-------
كدبكم لعنينا واضح --- انتوا واللى مشغالينكم
ياما ألفتم فضايح --- وشعبنا واعى وصاحيلكم
-------
ريما ماتت من زمان --- واللى كان مافى يوم هيرجع
أى كلب أو جبان --- عايز أشوفه ازاى هيطلع
-------
نفسكم دايما لئيمة --- والعفن ساكن عقولكم
انتوا ناس ملهاشى قيمة --- مين هنا هيسمع كلامكم
-------
مين فيكم خايف إله --- اللى للساقطة يبوس
وللا دا اللى عقله تاه --- بمخدرات قاعد بلبوص
-------
وللا اللى بيفسر اّيات --- وبيشترى نفسه بقليل
كدبه واضح واللى مات --- ضميره يرجع ؟ مستحيل
-------
كلهم عشان الفلوس --- يعملوا قول أى حاجة
أشرف مافيهم ديوث --- على أهل بيته أقل حاجة
-------
اللى باع شرفه تلاقيه --- جى يبجح كأنه صدق
سهل بلده تهون عليه --- ويقول بدافع كلامى حق
-------
خليكو بره بلاش تيجونا --- مدام خلاص بعتوا بلدكم
ولو هتيجوا هتلاقونا --- بالجزم كدا فوق دماغكم
-------
ضرب الجزم فيكم خسارة --- على الأقل فيها استفادة
ياللى بتاجروا فى خسارة --- الجزمة أشرف والبيادة
-------
والله لو رجعوا الكلاب --- روحى أهى لمصر هدية
كل من خان ( مصر ) خاب --- ودمه لم يحرم عليا
-------
قوة جيشنا مجنناكم ؟ --- جننت أسيادكو برضه
ختمنا بيها على قفاكم --- والختم كله شكل بعضه
-------
ختم واضح قول خاذوق --- ع اللفظ سامحونى يا سادة
جمعهم لازم يدوق --- يعنى أيه ختم البيادة
-------
جيشنا حر وروحنا فيه --- وجربوا تحتلوا أرض
إحنا ضد اللى يعاديه --- جيش يصونا شرف وعرض
-------
جيش مفيش مرتزقة فيه --- ابنى وابنك ضمن جيش
لو شبر أرض يموتوا فيه --- بنفس راضية عشان نعيش
-------
وتبقا ( مصر ) حرة دايما --- شوكة فى ضهر الأعادى
يارب إحفظ ( مصر ) دايما --- ليوم القيامة من كل عادى
-------
و ( السيسى ) ليه تكرهوه --- لأنه أفشل مخطاطتكم
وقبل قبله اشتريتوه --- بكام مليار كان هيظبتكم
-------
و( السيسى ) جه قالها كفاية --- على كفه كان شايلها روحه
وقال لنا كونوا معايا --- والكل لبى ما همه روحه
-------
يارب اشهد وانت أعلم --- عالم لعلنى والسر منى
باحب ( مصر ) فى كل معلم --- وباحسها دى حتة منى
-------
و ( السيسى ) دا خير الرجال --- الكلام ليكم ولينا
حبناه من يوم ماقال --- اعرفوا انتم نور عنينا
-------
وأى وقت يقول يا شعبى --- كلنا معاه راح نصونها
دا كلامى وأقوله شعبى --- ( السيسى ) عين واحنا جفونها
-------
هانئ الجمل