( 12 )
ومين يا عمر من بعدك راح يسمع الموال
ويعشق كلامه المزهر اللى سبق ما اتقال
وكنت عمدة سماع وتبان خلى البال
دى نهاية البشر ونهاية المخاليق
وحكم رب العباد على العباد الموت
لو هو فوق السرير أو ماشى وسط طريق
لا يعرف ساعته امتى ولا أرض فيها يموت
يارب لجل النبى ماتنشف لنا فى يوم ريق
وارحمنا م السكرات اللى تصاحب الموت
ماعدش ليا رفيق فى الموال من بعدك
وازاى يطيب لى السماع فى الدنيا من بعدك
رب السما أعلم بى أشكى إليه بعدك
واتيتموا من بعدك الغنوة والموال