عرض مشاركة واحدة
  #1  
قديم 01/09/2018, 10h19
الصورة الرمزية سعدالشرقاوى
سعدالشرقاوى سعدالشرقاوى غير متصل  
مواطن من سماعي
رقم العضوية:408324
 
تاريخ التسجيل: avril 2009
الجنسية: مصرية
الإقامة: مصر
المشاركات: 911
افتراضي آه م الناس (اغنية)


آه م الناس..
(أغنية)
من كتر الناس اللى بميت وش
وحشونا الناس اللي بوشّين
والليّ اتعوّد انـّه يغش
باع العشرة عشان قرشين
عيب الناس المرّه يا دنيا
لمّا يخونوا العهد ف ثانيه؟
واللا نصيب الناس التانية؟
واللا دا عيب الزمن الشين؟
,,,,
راحوا الناس الليّ اتعودنا
نعيش الزمن الحلو معاهم
والليّ وجودهم كان يسعدنا
ويمسح دمع الحزن لقاهم
عيشنا وشوفنا كتير بعديهم
تبقى حبيبهم لو تدّيهم
والمطلوب انـّك تراعيهم
مهما يكون تعبك فى رضاهم
,,,
مش ح اتغيّر ابدا عمري
مهما اتغيّر أيْ أساس
عهد وماشي عليه من صغري
عمري ما اتاجر بالاحساس
ح اصبر لمّا ألاقي صحابي
الليّ قلوبهم على طبطابي
يمكن أفضل بعد غيابي
دعوة خير فى قلوب الناس
رد مع اقتباس