منتدى سماعي للطرب العربي الأصيل - عرض مشاركة واحدة

**Adham Osman** · #7 09/09/2007, 06h40

الله الله
السلام عليكم ورحمة الله وبركاته

إنتم بتدعبسوا فى دولابى وتاخدوا منه صورى وتحطوها فى الريسبشن علشان تنوروه !! ده كلام جميل جدا وبعدين عم حسن شغال فوتوشوب لأ وبيعرض يدى حصص بفلوس كمان.
أروح آكل عيش فى حتة تانية أنا وشوية الرسم اللى طلعت بيهم من الدنيا بقى.
عموما مرفق طيه صور جميع الأعضاء التى وردت فى الموضوع وكل فترة سنضيف الجديد مع مراعاة أن جميع الصور تم معالجتها لتظهر بأحسن شكل ممكن وفى أنتظار صور الأستاذة سامية والأستاذ سمعجى والأستاذ هانى حازم لكن مكانهم تم حفظه بالصور الإعتبارية.
وكمان مجموعة فوانيس بمناسبة رمضان وصورتهم شبهت عليا صورة أعضاء المنتدى ماهو أصلهم كلهم منورين مع العلم إن فيه فانوس فيهم ينفع يشتغل مبشرة فى المطبخ وطبعا دى صورتى أنا علشان ماحدش يزعل أشيل أنا الليلة.

ياعم حسن أنا حطيت الناس الكبار فوق علشان شوية محلسة يمكن يبطلوا يحذفولنا مشاركات واللا حاجة والمفروض إنى كنت أرتب الصور بترتيب ظهورها فى متن المشاركات ولكنى الحقيقة قصدت هذا الترتيب لأننى آمل أن تكون صورة مجمعة لكل أعضاء المنتدى ويكون لها مكان مميز لما تكمل بحيث يدخل عليها الأعضاء للتعرف على صور بعض وكمان ممكن تضاف الأسماء للصور ويعاد ترتيب الصور وهأغير خلفية رمضان بعد كده.

أدهم