حكاية أغنية
ليه خلتني أحبك - ليلى مراد و نجاة الصغيرة
كانت من نصيبك واتقسمت لغيرك
28 سبتمبر 2025
ورد في الحلقة
غنوتنا النهاردة حيرتنا مش عارفين من صاحبة النصيب ومن صاحب القسمة ... في سنة 1955 غنت ليلى مراد أغنية ليه خلتني أحبك في فيلم الحبيب المجهول كلمات مأمون الشناوي والحان كمال الطويل وكانت الإذاعة هي الوسيلة الوحيدة الإذاعة الأغنية والرقابة في الإذاعة وقتها اعترضت .
على جملة فين تهرب من ذنبك وطلبوا تغيرها لما رجعوا لليلى مراد النجمة الكبيرة على الساحة اعترضت ازاي يطلبوا منها الطلب ده وصممت على موقفها الأغنية ناجحة وأكثر من شركة طلبت تسجيلها على اسطوانات وليلى مصممة على موقفها. كان كمال الطويل لسه في البدايات وعايز يستغل نجاح الأغنية
فاختار نجاة الصغيرة لتغني الأغنية بعد تعديل شاعرنا مامون الشناوي وخلاها فين تهرب من حبك وبكذا أصبح للأغنية مطربتين ليلى مراد فين تهرب من ذنبك ونجاة فين تهرب من حبك ونسيبكم أنتم تحكموا مين صاحب النصيب ومين صاحب القسمة.