المسحراتي
(الحلقات المصورة آداء سيد مكاوي وأشعار فؤاد قاعود)
(06)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...
ادي ولادك ودادك واكرم المجاهيل ... وكون مسلك العسل مع المكارم ميل ... يا صحبة الخير أنا قلبي في هواك عليل اصحى يا نايم وحد الرزاق ... رمضان كريم ... شفت اللي قالك أنا الأول وبعد طوفان اتبرى واتعرى من جنسية الإنسان ... دينه يدينه عرف الجيرة والإخوان ... دي الإيد مع الإيد تهون أي حمل تقيل ... والصبر عند المكاره في النهاية جميل ...
ده المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال حنيت فغنيت ولحني للصحاب نبراص في غنوتي غيتي وف قلبي حب الناس أرضي دي عرضي كرمتي والشرف والدين واللي بنا فوقها طوبة قبضته تنباس اصحى يا نايم اصحي يا نايم اصحى وحد الدايم السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق