المسحراتي
(الحلقات المصورة آداء سيد مكاوي وأشعار فؤاد قاعود)
(04)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...
الدنيا تفسد من غير الجدعان ... اللي ما ألهم فعالهم مش كلام إنسان ... اللي في عز الحوادث نجمهم بيبان اصحى يا نايم وحد الرزاق ... رمضان كريم... الراجل الحق لو ضلت جميع الناس ... يفضل ثابت على مبدأه كما المتراس ... والسيل ياخدهم وهو باقي كالمياس ... اصحى يا نايم وحد الرزاق ... رمضان كريم ... يتقاس عليه الأصول والصح والإحسان ... ويحظر الأهل قبل ما يبتدي الطوفان
دا المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال يا ماشي من مبدأك في سكة الأبطال لم ترتعش خطوتك ولا حتى في الزلزال ربك نصير العباد الأقويا في الحق اللي جعلهم منارة ع الطيب ومثال اصحى يا نايم اصحي يا نايم اصحى وحد الدايم السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق