03/04/2025, 22h13
|
 |
مواطن من سماعي
رقم العضوية:726270
|
|
تاريخ التسجيل: July 2014
الجنسية: مصرية
الإقامة: مصر
العمر: 70
المشاركات: 9,244
|
|
|
|
رد: المسحراتي
المسحراتي
(الحلقات الإذاعية آداء سيد مكاوي وأشعار فؤاد حداد)
(13)
اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم
مسحراتي منأراتي يا ابو الولاد ... في كل ليلة أنا فن عيلة يجمع بلاد ... في ايدي طبلة تقول يا أبلَّة راجعي المواد ... شايف جنينة بتقول يا لينا امتى المعاد ... لما تفت خليه يا ست نائب فؤاد ... لابو الربابة أقول يا بابا والفن زاد ... على راسي عمة تقول يا عمي لمن أجاد وأبو خالي يقول يا خلي للإعتماد ... كل اللي يبني يقول يا ابني ويزيد الاجتهاد ... وتقول حماتي يا روح حياتي فين الإيراد ... طبلة في إيدي تقول يا سيدي ... وتقول يا سيدي مدد مدد ...
والمشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... تبقالي يا بو السعيدي يا فن تبقالي ... وربنا يمد في أيامي وأحبالي واكتب كتاب فلسفة في الشاي ابو نعناع وفي طلعة الفجر وفي الدنيا اللي في بالي اصحى يا نايم اصحي يا نايم اصحى وحد الدايم .... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق
الملف الصوتي هنا
|