رد: المسحراتي
المسحراتي
(الحلقات الإذاعية آداء سيد مكاوي وأشعار فؤاد حداد)
(6)
اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم
مسحراتي منأراتي جايلك ليلاتي يا خال عوض ... يا زين ومالك والطبع زين سبع ممالك وفدانين اصحى يا نايم وحد الرزاق ... تحب تحسم بسن يبسن وبين ولادك تحب تئسم ... وبين ولادك تحب تئسم يا خال عوض ... أظن آعد والفرن آيد تسمع نعايد عليك أخبط ... في الشاي تخلط ولا مهندس عمال يخبط يا خال عوض ... أظن تشرب الشاي وتطرب لواد بيضرب على طبل بازا ... على طبل باز فاتوا الحداشر شهر في أجازة وعاد ينادي يا خال عوض ... من تحت لبدة لفوق سديري بعنيك يا عيني شنب خوضيري وعنين جنايني ... ومسحراتي منأراتي فالح يؤلي يا خال عوض ... يا خال وخالو وكمان يا خال يا زين وراضي بالمندرادي ... زهرت بابك وآنيت شبابك وانا في الأراضي ...
المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... يا خال عوض بسمتين في ضحتك دية ... الأولة من زمان والتانية بدرية ... والأولة صبر أما التانية عسلية ... عديت على الباشا راكب قلت مش نازل والشمس وقفت تغازل ضحكتك دية اصحى يا نايم اصحي يا نايم اصحى وحد الدايم .... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق
الملف الصوتي هنا
التعديل الأخير تم بواسطة : حازم فودة بتاريخ 03/04/2025 الساعة 05h43
|