الموضوع: المسحراتي
عرض مشاركة واحدة
  #6  
قديم 02/04/2025, 14h02
الصورة الرمزية حازم فودة
حازم فودة حازم فودة غير متصل  
مواطن من سماعي
رقم العضوية:726270
  
تاريخ التسجيل: July 2014
الجنسية: مصرية
الإقامة: مصر
العمر: 70
المشاركات: 9,244
افتراضي رد: المسحراتي
المسحراتي
(الحلقات الإذاعية آداء سيد مكاوي وأشعار فؤاد حداد)
(5)
اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم

مسحراتي منأراتي منجراتي دواليب زمان ... ما تشتكوشي دقة شاكوشي جت في الأوان ... يا ناس حبايب يا ناس جيران أنا قلبي جاي على البيبان ... عجوز شوية لكن عنية روحين حنان لا ظني سئ ولا جبان ... درويش وأسطى وشيخ كمان وفي عبي قطة ازاي ح تلعب فيه الفيران ... اسألني باتعب أؤل صراحة شأيا راحة قوة حصان ... لجل وعشان قبول عيالي ف مت آلي ي الإمتحان وانا في بالي حاجات جنان ... من الطبالي اعمل صوان وابني لخيالي أربع حيطان ... أنا فهمت آلي من أولى ساقية لسد عالي لقيت مكان ... سيري يا موجة بالتكنولوجا ... بالتكنولوجا لبر الأمان ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... لو ماشي في الصحرا شفت النور أؤل إنسان ده أنا كل شباك يئيد أشكر لإيد إنسان وأؤل هدتني المناير سبحت للعرش يا رب من رحمتك مكنت للإنسان يغير الضلمة أما النور ما يتغيرش اصحى يا نايم اصحي يا نايم اصحى وحد الدايم .... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

الملف الصوتي هنا
الملفات المرفقة
نوع الملف: mp4 5 المسحراتى (مسحراتي منأراتي منجراتي دواليب زمان).mp4‏ (21.12 ميجابايت, المشاهدات 0)
التعديل الأخير تم بواسطة : حازم فودة بتاريخ 12/04/2025 الساعة 23h22
رد مع اقتباس