رد: المسحراتي
المسحراتي
(الحلقات الإذاعية آداء سيد مكاوي وأشعار فؤاد حداد)
(3)
اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم
مسحراتي منأراتي أنا باسحر المبعوثين أولاد يا ربي في المانيا غرب والمانيا شيت ... لجلن يعودوا متأسسين يسلملي عوده الواد أمين ... بدأ الرسالة بنستعين ثم قال حبل متين ... أخباري سارة وأنا أخدت ذرة ونظام مجرة ومهندسين ... وأنا بذاكر طول عمري فاكر وطن ودين في المغربية تتمد بية إيدي اليمين ... على طبقنا لولا فراقنا أنا مش حزين بافطر معاكم واسمع دعاكم أسمع دعاكم آمين آمين ... ما اشربش إلا الماء وإلا في إزاز ياسين ... وختام كلامي أبعت سلامي للأجمعين ... نحن نتلقن العلم حقاً وكويسين ...
المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي وحتة من كبدي وحتة من موال من بحر يوسف سلامي يوصل لبحر السين ... لولاد محمد والسعيد وحسين ... ولكل مبعوث مناضل بالصلا ع الزين ... سيب اللي آعِد يفاضل بين العلم والأدب درس الوطن يامهم أفضل من الدرسين اصحى يا نايم اصحي يا نايم اصحى وحد الدايم .... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق
الملف الصوتي هنا
التعديل الأخير تم بواسطة : حازم فودة بتاريخ 12/04/2025 الساعة 22h53
|