[عمرو الهنداوي]

المشاركة الأصلية كتبت بواسطة عمرو الهنداوي

أستاذ عادل مساء الخير
ممكن حضرتك تكتب لنا تتر مسلسل بكيرة وزغلول لو وقتك يسمح.
شكرًا لحضرتك
اتفضل النوتة بس خلىبالك ده صعب جدا بيقلد صعوبة عمار الشريعة فى اللخفنة والتوزيع عايز اسألك على حاجةى عندى لاب توب حلو ماركة اسوس بس جايبة سنة 2007 شغال حلو بس لقيت البطارية بتاعة الساعة والتاريخ عطلت ف رحت اركبها وقلت لهم بالمرة غيروا معجون التبريد لأن قالوا املوديل قديم اوى وعشان توصل للبطارية بعيدة يعنى المهم بعد ما عملوهم جينا نشغل البار مش شغال ودخلوا فى مشاكل المهم انا اكتشف ان زرار الباور وطى لتحت وبياخد خمس او ست ضغطات علىما يشتغل وقالوا لى ده موديل قديم ماحدش بيشتغل فيه ورجت ولواحد تانى برضه معرفش .. هو دلقوت بيشتغل لما تقعد تتخانق مع زرارالباور .. السؤال عندك حد صاحبك عنده فكرة انا شفت فى النت فيدويهات ناس بتلغى زرار الباور ده وبتعمل زرار بداله فى الكى بلورد يبقى هو الباور يعنى بيشغلوا اجلهاز وبيدخلوا من f2 البيوس او الدوس مش عارف وبيدخلوا قائمة بيختاروا منها حاجة اما يخلوا اجلهاز يشتغل دايركت لما تحط فيشة الادابتر ف الكهربا او زرار فىالكى بيورد تختاره يكون مش عليه شغل يعنى تخليه هو الباور هل الكلام ده صح انا بسأل لن فيه ناس بتقعد تعمل اختراعات خايبة وناس بتقول كلام حلو فاهم قصدى ؟

شكرا أستاذ عادل صموئيل على النوتة أنا شايفها سهله جدا
بخصوص مشكلة زر الباور بتاع اللاب توب آه في حل وحاشرحه لحضرتك بس قولي الأول زر الباور ماله؟ حضرتك بتقول انه نازل ولازم كذا ضغطة علشان يقوم! طيب المشكلة في الزر مكسور ولا الجلدة اللي تحت الزر اتنحلت ولا مشكلة في مكان الزر في لوحة التحكم الأم motherboard؟
طيب ع العموم اعد تشغيل الجهاز وأفضل اضغط رز F2 أو F12 او F10 على حسب الموديل عندك بس غالبا F2
وبعدين حتلقي نفسك في مكان اسمه BIOS وده النظام الأساسي للجهاز وبعدين روح على System management وبعدين على Power و بعدين اختار الجهاز يفتح من خلال AC يعني بمجرد توصيل فيشة الكهرباء وبعد كدة SAVE وبعد كده Exit. ده حل أفضل من تخصيص زر أخر للباور.
أنا مش عارف ال BIOS عند حضرتك عامل أزي علشان أوصف لك بدقة.
بس لو ملقاتش كل اللي فوق ده حتلاقي حاجة اسمها AC Wake Up اختارها وعلم عليها صح وبعد كدة SAVE وبعد كده Exit.
ولما تيجي تشغل الجهاز حط الفيشة في الكهرباء ويكون الشاحن متوصل وهو حيقوم عادي. طيب انا شفت الفيديو لحد الدقيقة و12 ثانية بعد كده دخل عل حاجات تانية مش عارف ايه كل يوم ده ايه ؟ وانت لو شغلت الللاب بالطريقة دى بتقفله شات داون عادى زى ما بنقفل ولا ازاى والف شكر
https://www.youtube.com/watch?v=z0eb...el=TechSanjeet

دي اساليب تانية لتشغيل شبكة الانترنت. ولو ال BIOs عند حضرتك بيدعم تخصيص زر اخر مكان الباور حتلقي حاجة اسمها Power On By Keyboard اختار منها الزر المناسب في العادة الجهاز بيوفر زر او اثنين تتختار منهم.
بالنسبة لسؤال حضرتك اه اقفل عادي جدا بس علشان ترجع تشغله شيل الفيشة او سوكت المحول وصله تاني.
لو كل الخيارات اللي اتكلمنا فيها مش موجودة يبقي لازم حضرتك تعمل تحديث ل Bios ولو عمل وبرضو مافيش هيكون بسبب انه الجهاز بقي قديم جدا. ولو كل الحلول مش شغالة مع حضرتك يبقي لازم تخصيص زر للباور او اصلاحه من حد لازم يعرف يشتغل على اللوحة الام يعني لازم فني. في مول البتسان وسط البلد شارع نوبار باشا الدور الثاني مخصص للصيانة هما شاطرين في المواضيع ده ماتقلقش. شوف اللى بيطلع فى الصور
انا فتحت f2 بس ما لقيتش System management