اقتباس:
المشاركة الأصلية كتبت بواسطة نور عسكر
|
حسدت روحي عليك من كُتر حبك ليَّا
ورجعت أشكي إليك من كُتر ظلمك فيَّا
حسدت روحي روحي عليك
فضلت أقول مين زيِّي سعيد
ومين هناه زيْ هنايا
في كل عام .الناس لها عيد
وأنا كل يوم عيدي معايا
والدنيا راضية عليَّا والكون جميل حواليَّا
خليتني أحسد روحي روحي عليك
يا ما كانوا يقولوا على العشاق
بيقاسوا كتير نار الأشواق
وأنا أسمعهم ما أصدقشِ
وأصدَّق ليه ؟!
مادام القلب ما داقش
ها أخاف من إيه
وآديني البُعد جربته
وصدَّقت اللي ياما قالُوه
وخدت الكاس وشربته
وقبلي كلهم شربوه
والفرق اللي بيني وبينهم
عزَّالهم كانوا حاسدينهم
خليتني أحسد روحي عليك
كُنت ليه بتهنِّي قلبي
كُنت لوعْنِّي في حبِّي
إهجُرني مرَّة وزورني مرَّة
سيبني النهارده وتعالى لي بكره
وجودك جنبي هنَّانِي
وقُربك منِّي خلَّانِي
حسدت روحي عليك
من كتر حبك ليَّا
ورجعت أشكي إليك من كُتر ظلمك فيَّا