[عادل صموئيل]

احبائى
مع مطلع عام جديد اقدم لكم اعجوبة من عجائب محمد عبد الوهاب اغنية
.. كيلوباترة ..
الاغنية دى بتنطلب منى من اكتر من 20 سنة وكنت بخاف ادونها ماحدش يعرف ينفذها .. لأن ممكن واحد اشطر منى فى التدوين لكن انا عندى مميزات اهمها مش تتدون فقط ولكن ازاى اسهل انك تعرف تقراها .. والاغنية دى بالذات مشكلتها ان معظمها ادليب ..يعنى بدون ايقاع .. وده عشان تعزفه صح لازم اولا تكون حافظ كل جملة صم عشان تسترشد بالنوتة لأنه مش حايتقال وخلاص لازم يتقال حلو لأن الحن اصلا اكتر من رائع .. لذلك عند اول كل جزء من بيت انا كتبت اول كلمة .. دى ساعدتنى وانا بدون عشان اللحن ما يتبعثرش منى وكمان تساعدك انك تبقى عارف انت فين .. انا من ضمن مميزاتى بحب دايما كل عمل اعمله اراجعه كأنه حد غيرى الى عامله واديه درجة بقيم شغلة يعنى وهنا الحن ده متدون بطريقة انا افتخر بيها .. وكنت اتمنى عبد الوهاب يكون موجود كان حايقدرنى اوى اوى .. لأن اهم واحد فى العمل الموسيقى المدون يعنى هو الل بيدون اللحن حلو وبيقدمه للفرقة مكتوب حلو تعزفه حلو لو متدون صعب العزف بيطلع ركيك .. اول حاجة ركزوا فى اول 4 سطور فى المقدمة .. نممكن عازف يكتبهم ادليب بس حايقرفوك فى العزف انا عاملهم على ميزان يعنى طبيعتهم ممكن يتعملوا على ميزان بس فيه شرط خطير لازم تحفظ اداء تسجيل عبد الوهاب فى السرعات عشان تطلع رائعة يعنى هو بيطىء فى جزء ويسرع فى جزء لو انا جبيت ادونها كده حاتبقى معقدة يعنى دى لو ف استوديو او فى بروفة الفرقة بتمشى مع ايد المايسترو ال حافظ السرعات ,,,, اتمنى ان تسعدوا بها مع اطيب تحياتى