[لؤي الصايم]

نامي يا عين

للست حفصة حلمي

نامي يا عين .ياعين نامي ياعين
النوم أمل للعاشقين نامي ياعين
للي انكوا بسحر العيون
نامي يا عين نامي
نامي ياعين دا الليل طويل
وبيبقى نار وبيبقى ويل
عــ المحرومين
ويا قلبي نام وقول ياليل
قول للجميل رُد الجميل للمغرمين
قول له حرام يكفاه منام
وإن كان ينام خلليه ينام
ده النوم أمل للعاشقين
نامي يا عين يا عين نامي
للي انكووا بسحر العيون
نامي يا عين نامي
يا عيني تصعب عليَّا الدموع
في الليل وأنا سهران
نامي دا بُكره قريب للِّي سلا الأشجان
وإنسي الزمان اللي راح في الصد والهجران
نامي وسيبك من الزمن ومن الليالي وطبعها
فرح المنام من غير تمن مش بالعيون وبدمعها
يمكن تصادف تحْلمي وتشوفي دنيا منوَّرة
ولا ترْجعيش تتندمي على رؤيا جت متغيَّرة
ده النوم أمل للعاشقين ياعين نامي ياعين نامي
نامي يا عين يا عين نامي
للي انكووا بسحر العيون
نامي يا عين نامي