اقتباس:
المشاركة الأصلية كتبت بواسطة ابوحمد
من النوادر
فتحية أحمد
أغنية : ذكرى |
غنتها في العام 1954 بتسجيل للإذاعة
كلمات حسن عبد الوهاب ولحن أحمد عبد القادر
بعيد وفــ لحظة من عمري
هناها بالزمان كله
جمعناالليل أنا
وفكري يقول لي شوية
وأنا وأنا أقول له هناها بالزمان كله
سرحنا بعيد في جو سعيد
لقيت فيه كل آمالي
حبيبي فيه وأنا جنبي
بنسعد حبنا الغالي
وقولنا نعيد ليالينا
ويا محلا ليالينا
وقولنا نعيد أغانينا
ويا محلا أغانينا
وهام فكري في يوم لقياك
وكان أول ميعاد ويَّاك
يوميها الشوق غلب صبري
وخللاني ساعتها هطير
وكان أصلا في يوم بدري
وأنا خايف من التبكير
وبقيت خايف من التبكير
أتاري الوقت كان بدري
وجيت قبل الميعاد بكتير
جمعنا الليل أنا وفكري
يقول لي شوية
وأنا وأنا أقول له هناها بالزمان كله
وطال الشوق وأنا صابر
ومستني ومستني توافيني
وبتمنى تكون فاكر ميعادي
وتيجي تحييني تيجي تحييني
وحلفت ساعتها إني أعاتبك
وأنا راضي اللي يقوله ضميرك
وحلفت ساعتها إني أحاسبك
على كل دقيقة في تأخيرك
جمعنا الليل أنا وفكري
يقول لي شوية
وأنا وأنا أقول له هناها بالزمان كله
وبعد شوية لاح طيفك
لمحته قبل ما أشوفك
جريت من فرحي أندهلك
وحبي في العيون بادي
لقيتك جاي على مهلك
كأنك ناسي ميعادي
وجيت أعاتبك
نسيت عتابي نسيت عاتبي
وجيت أحاسبك
نسيت حسابي نسيت حسابي
ولقيتني هايم بيك
وكل فكري فيك
مش قادر أفكر
غير إنك جنبي
ولا قادر أعبر عن فرحة قلبي
ولا قادر أصور أشواقي وحبي
والليل طوانا في غمضة عين
وعشنا فيه أسعد قلبين
دي أجمل ذكرى يا ساحر
فاكرها واللا موش فاكر
ياريتها تعود وتحييها ليالي عمرنا الفانية
نعيش طول عمرنا فيها ولا نفكرش في الدنيا
بعيد وفــ لحظة من عمري
هناها بالزمان كله
جمعنا الليل أنا
وفكري يقول لي شوية
وأنا وأنا أقول له هناها بالزمان كله
