[عادل صموئيل]

احبائى
اقدم لكم اغنية لسيد درويش اسمها
بوخمار خنفشار

..صديق طلبها الصبح وانا وعدته ادونها له الاغنية شكلها صعب جدا وانا عمرى ما سمعتها .. بس عايز اديها عنوان .. سيد درويش المظلوم .. سيد درويش اتظلم مرتين مرة ظلمه القدر انه توفى بدرى اوى اوى بعد ما ابتدا لسه حايتشهر ويتاح له الفرص انه يطلع عبقريته .. واتظلم ان بعد وفاته 70 %من الحان العظيمة ماحدش يعرفها إلا اقلية من الناس لأن الاغانى دى كانت داخل اوبريتات او مسرحيات غناية عظيمة معظم الناس ماتعرفش عنها حاجة.. واللحن اللى بقدمه هناهو ممكن تقول اغنية كوميدية فيها لهجات كتير بس عبقرية سيد درويش ازاى يحافظ على اللحن من الإندثار انه عمل مقدمة موسيقية كبيرة وهى هى نفس الغنا بتاع ال 4 كوبليهات .. بعنى ان لو كان اتفزلك وعمل المقدمة حاجة والغنا لحن تانى ماكانش حد حايعرف يكتبه لأن الكلام صعب يعنى حا يتعب الل يكتبه او ممكن يتوه منه ويلخبط .. انا هنا ماعملتش حاجة انا تعبت بس فى المقدمة وبعدينن قلتها تانى طب ليه ماعملتش سينيو ولا مرجع لأنه عمل تريكاية انه قبل مايدخل على الغنا اعاد مازورتين من المقدمة وبعدين الاعادت بيعيد من الغنا مش من عند المازورتين دول .. وهنا انا عبقرى ف الاخراج اتعلمت من العبقريات ال اشتغلت معاهم سنين طويلة كيف تخرج اللحن بحيث يكون سهل على اللى يعزفه والورقة الحمد لله زى الفل .. هنا كمان درس مهم فيه واحد بيبقى بيتكلم وهو مليان خبرة وواحد بيبقى فاضى ومنفوخ على الفاضى انا مليان علم تلاقينى من لحن عمرى ما سمعته قبل كده قدرت استنبط كل الكلام المهم لى انا كاتبه بس من خبرتى حبيت اعمل تنويه يعنى كان مكمن انزل اللحن وخلاص بس انا كده بفتح سكك للى يحب يبحث فى كنوز زمن الفن الجميل عن اوبريتات سيد درويش لأن انت عشان تتمتع بأغانى معينة بتبقى مرتبطة بالسياق الدرامى لازم تسمع المسرحية تفهم الحكاية ايه لأن الاغانى الموجودة فى اى مسرحية غنائية بيبقى بعضها اغانى من ضمن الحوار بتاع الحدوتة وبعضها اغانى ممكن تاخدها منفصلة وهى اعتقد كلها موجودة بكاملها فى منتدى سماعى للطرب الاصيل والل اتشرف بالاتنماء اليه وهو يعتبر اكبر موسوعة للموسيقى الشرقية فى العالم والل انا فيه بقالى ييجى عشرين سنة من سنة 2000 بس لحد دلقوت ما تجولتش إلا فى اقل من ربع محتوياته من الكنوز مع اطيب تحياتى