[الهائف]

ان شفت عينك وشفت الخد والغرّة ** هاضت حزوني وحار الدمع بعيوني
دمع يخلي العيون السعود محمّرة ** مالوم من حب له في الناس مزيوني
تمرّ صورتك في الساعة مئة مرة ** من كثر ما اقول شفت اليوم مضنوني
ماله مع الناس لاسمعه ولا جرّة ** شفته ببيته وصك الباب من دوني
قلت السبب تجرح المجروح وتضرّه ** ماتدري انه معك مغرم ومفتوني
قال اكثر الناس فيه الناس مغترّة ** يجيك صاحي وعقله عقل مجنوني
تعطيه سرّك وتأمن فيه وتبرّة ** ويقول باكر حقيت لهم وحاكوني
الحب لو ما بغيته يلحقك شرّة ** عز الله اني قبل ماشي على هوني

كلمات الشاعر خلف بن هذّال