احبائى
اغنية الثلاثى المرح
صباح الخير
الاغنية دى من الى بيتذاعوا الصبح زى ما اخى الزيز عاصم المنشاوى ذكر .. بس حبيت اقول ملحوظة ان اغانى الفترة الصباحية فى الراديو كانت قسمين قسم لأغانى المطربين الكبار اوى وقسم للمطربين الاقل .. المطربين الكبار كان لهم اجر مخصوص تلحينا وغناء او كانت بتبقى ضمن فيلم فكانت العادى انها تبقى على مستواهم يعنى لكن اغانى المطربين الاقل كانت بتبقى اقل شوسة من المستوى لن الملحن كان بيقض م الاذاعة فى الحن بعد الدمغات والخصومات 8 جنيه وبياخدهم بعد شهر يعنى بيتعمل بيهم اذن صرف وموضوع روتينى غتت .. لذلك كان الملحن بيعمل الحن لحن وخلاص والإذاعة بتاخده كسلعة انت وبختك يطلع مش بطال او مالوش طعم بس هنا فيه ملحوظة انا اخدت بالى منها ان عبدالرؤوف عيسى كان عامل اللحن بذمة فيه شغل انا بينى وبينكم جبت كوباية شاى وقلت على ما تخلص يكون خلصت الاغنية يعنى عادة النوعية دى بيبقى المقدمة هى موسيقى الكوبليه والكوبليهات بيبقوا نفس اللحن فوجئت ان يادوب كوباية الشاى خلصت وانا فى المذهب اللحن مش بطال ومش صعب اتمنى تسعدوا به .. اما السؤال عن عبده داغر .. عبده داغر كان مش بيقرا نوتة لا هو ولا كل اخواته لأن عائلته كلها عازفين .. هو قعد فى الفرقة الماسية يوم واحد والفرقةالماسية اهم شىء القراءة الفورية ف طبعا مانفعش الحال مع اطيب تحياتى