[عاصم المنشاوى]

[SIZE="5"] [COLOR="DarkRed"][SIZE="5"][COLOR="Red"]أستاذنا الكبير/عادل بك

الحمد لله أن حضرتك بخير ..وبتوحشنا والله هنا فى المنتدى....ولسة بقول ايه الجمال ده على نوتات حضرتك وانا بدندنها كده عالعود..ألف شكر لتعبك معانا....

عندى سؤالين لو سمخت...لأنى بسمع أغانى حفلات حاليا...ودى بتبقى أحلى من تسجيل الاستوديوهات للتفاعل الجميل بين المطرب والجمهور اللى بجد ذواق بمعنى الكلمة معظم الوقت ...

لكن لفت نظرى حاجتين...ساعات المطربين..خاصة نجوم الصف التانى بعد الاغنية الجديدة..بيسألو الجمهور تحبوا تسمعوا أيه...طب أفرض بقى الجمهور طلب أغنية وهم مش معاهم النوتة بتاعتها ...بيتصرفوا أزاى ؟..بعكس نجوم الصف الاول عارفين البروجرام النهاردة فى اغنية جديدة مثلا واغنية سابقة...ف هل مثلا ا.صلاح عرام الله يرحمه شايل معاه نوتات كتيييير قوى كده وماشى بيهم ؟.

السؤال التانى: الزغاريط اللى بنات الكورال بيزغرطوها...أنا مش عارف والله مين اللى اخترع الالموضوع ده...هل هو عبد الحليم ...وهل الزغروطة دى بتبقى بالاتفاق مع ا. أحمد فؤاد حسن...ولا بيبقى تصرف فردى من واحدة منهن......تلاقي الزغروطة موجودة مع ايقاع المقسوم...هل لأضافة نوع من البهجة على الايقاع...تلاقيها مثلا فى كامل الاوصاف وحاول تفتكرنى...مع صباح فى "والله واتجمعنا تانى ياقمر"..بعض أغانى وردة....

مع الاعتذار للاشقاء معرفش هى فى سوريا اسمها زلغوطة اعتقد..أو فى لبنان..طب اسمها ايه فى تونس والمغرب.؟

.ومعرفش ليه هى عندنا فى الشرق بس ..مش فى الغرب..أو زى مابيقولو صوت حاد متقطع..طبعا سببها طرد الطاقة السلبية واستدعاء الطاقات الايجابية .. عكس الصويت على الميت صوت حاد لطرد الارواح الشريرة انها تمشي وماتاخدش حد تانى ..ربنا يحفطنا جميعا...جمعتكم جميلة ونهاركم حلو

اشكرك اخى العزيز على ذوقك
اول حاجة بالنسبة للحفلات والفرق بينها وبين الاستوديو ..حاجات وحاجات .. يعنى ام كلثوم ماتتسمعش ابدا م الاستوديو يعنى حلاوة ام كلثوم انها تغنى براحتها وكل ما الجمهور يكون متجاوب اكتر بتقول احلا يعنى احلا غنا لأم كلثوم فى دول زى تونس مثلا بكون الجمهور فى استاد كورة ومش اقل من 120 الف وبيسحسوا بأى همسة بتقولها دوه بيخليها تسخن وتتسلطن اكتر ونفس الجنهور ده بيخلى نجاة تقول فى تونس احلى من اللى بتقوله ف مصؤ 20 مرة يعنى تخيل نجاة انا بعد ما اشتغلت معها سونوات اول مرة اسمعها بتقول موال كان فى تونس وكان خرافة وانا كنت فاكرها مش من الى بيقولوا موال .. بس مش بحب اغانى حليم القديمة فى الحفلات بحبها فى التسجيلات اكر لسبب .. احنا كنا مريضين بنرض الدقة المتناهية يعنى كان النوت القديمة الل عملوا بيها الاغانى مش موجودة وكنا بنكتب الأغانى تانى من جديد وطبعا بيدخل فيها الاورج والجيتار من وجهة نظرى بيفسدوا النكهة .. والنكهة دى كانت اغلى مانمتلك .. يعنى اللى فى سنى كان كل حاجة لها نطهة ماتتغيرش .. يعنى اللى بيشرب سجاير او شاى نوع محدد تلاقيه ما يتكيفش إلا بنفس انوع نفس الحكاية ف الاكل يعنى تلاقى صاحب المطعم ابا عن جد دلقوتى بقا اى حد بيطعمل ا حاجة يعنى انا شخصيا بمشى ف الشارع مش عارف آمل مع اننا وحباتى كانت 99% منها فى الشارع مش عارف آكل كباب ولا طعمية ولا اى حاجة لأن بقوا يخترعوا مع ان الاكل ده سمة من سمات الدولة يعنى انت لو رحت ايطاليا مثلا وبلش فندق ولا معظم لو عربية ف الشارع كلت عليها سندويتش تروح تانى بعد تلاتين سنة تلاقى ابن او حفيد صاحب العربية واقف ف نفس المكان لكن الطعم هو هو ليه لأن السائح ممن راح مشوار بعيد عشان يوصل لنفس العربية مايتصدمش ان الطعم بقا زفت .. نفس الحكاية فى الاغانى القديمة لما تتجدد تلاقى التحابيش اتغيرت لكن مع ام كلثوم مفيش تحابيش يعنىكان كتير اوى فارق سلامة بيقعد ع المسرح تمثال مالوش صولوا ما يقولش وخلاص .. اما بالنسبة لعم صلاح عرام هو بيبقى معاه 3 نوت مش ممكن اكتر ولما المطرب بيسأل الناس عايزين تسمعوا ايه .. طبعا الجمهور بيقول اغانى كتير من ضمنهم ال 3 نوت الموجودين يروح قايلهم اما موضوع الزغاريد دى عادة بليغ بيحب الزغاريد فى الكورال لكن مع حد تانى لازم تبقى محدودة ومتفق عليها فى اماكن محددة يعنى مرة فى اغنية وطنية لأم كلثوم كان فيها يعنى كمان الكمية يعنى فيه ملحن بيقول للبنات اهرونى زغاريد وملحن بيقول واحدة بس او اتنين بس بليغ اكتر واحد بيحب الزغاريد بيديك جو شعبى او جو فرح