[عادل صموئيل]

احبائى

اغنية حلوة لعلى الحجار

طب قول لنا لما انت ناوى ع السفر

الاغنية دى بطريقة تدوين زمان كانت بتتدون بسرعة 100 ..وانا لما دونت خمس اسطر لقيتها صعبة جدا وماحدش حايقدر يقراها إلا المحترفين .. فعشان خاطر المبتدئين والمتوسطين الى هم عندى اهم واول حاجة ( لأن المحترفين ممكن يعزفوها سماعى وبيقروا اى حاجة صعبة ) كتبتها تانى بطريقة بسرعة 140 ف بقت اسهل من السهولة ... بالطريقة الاولى كان ممكن يقراها عشرين شخص دلوقتى ممكن يقراها اى حد يادوب بيقرا .. ودى مدرسة اتمنى الل يدونوا بعدى يراعوها .. يعنى عارف لما يكون فيه صورة وتمسك عدسة وتكبر اجزاء منها وتشوف التفاصيل الدقيقة اوى اكتر .. انا لما بكبرحجم الحروف بقدر اكتب الفاصيل الدقيقة اللى تخليك وانت بتعزف تقول اللحن بدقة متناهية ولو عملتها بطريقة زمان كان لو دونت التفاصيل الدقيقة حاتبقى النوتة معقدة جدا وشكلها يخض والل خلانى اتوقف واعمل زى ما قلت كان المقدمة وغناء الكورال ماشى لكن لما دخل على الحجار يغنى لقيت كذا سنكوب ورا بعض من ال بداخل المازورة على طول توقفت حسيت بالى مش حايقدروا يقدروها مع اطيب تخياتى