[بكر محمد دحدولي]

شكرا جزيلا استاذ عادل على التدوين اغنية بامر الحب و التدوين أكثر من رائع لم أجد الكلمات لأعبر لك أستاذي الفاضل عن مدى امتناني و تقديري لمجهوداتك العظيمة مع أطيب تحياتي

اخى العزيز انا اشكرك .. هو اهم حاجة بالنسبة لى الأدليب انه تقدروا تنفذوه يعنى انا مدونه بدقة ولا فخر فوق99% يعنى زمان ايام عيد الحليم وعبد الوهاب ماكاش نقدر ندونه بالدقة المتناهية دى وكنا بنعتمد على ان المطرب حافظ واحنا بنتابعه يعنى النوتة فى الادليب طول عمرها كانت زمان استرشادية .. ولو الادليب موسيقى كان الملحن بيقود الفرقة ونقعد نعيد فيها لحد ما نحفظها .. لكن دلوقتى فيه تميز خطير جدا مكانش موجود ايام العظام وهو الكمبيوتر .. يعنى بيحتاج مدون بس لازم يكون اولا حافظ الادليب وثانيا يكون مخلص فى عمله عشان يتفرغ لتدوين الادليب ( لأن السطرادليب اد عشر اسطر على ميزان ) وثالثا يكون فدائى متطوع مش بياخد فلوس .. لأن اللى بيقبض فلوس بيحسبها بوقت اد الفلوس .. يعنى يقول فى الادليب لازم اقبض 4 او خمس اضعاف اللى على ميزان .. لكن التميز عندى هو توافر كل الشروط يبقى فاضل الصبر انك تكتب وتسمع اللى بتكتبه وتظبط على اد ماتقدر .. ومع انه بياخد جهد كبير جدا ووقت بس النتيجة الروعة اللى انت حسيت بيها يعنى انت عارف مدون كبير مثلى وله تاريخ يعنى لما يدون لحد زى ده ممكن الناهردة يقبض مش اقل من 1000 دولار .. بس كلمة التدوين اكتر من رائع .. دى اكتر عندى من 5000 دولار . لان زمان للعلم كنا بنكتب بالقلم على الورق .. وكان لازم تحصل اخطاء .. يعنى فى اى لحن كنا فى البروفة لازم يكون عندك فى جيبك قلم واداة محو عشان الملحن بيوقفنا ويقول خلوا كذا يدل كذا .. واضيف الى كل كلامى شىء مهم .. انا ما اقدرش ادون ادليب لأغنية مش معروفة يعنى ماتستاهلش لأن الى حايشوفها واحد يعرفها وملايين ما يعروفهاش مش حا يهتموا بيها يبقى انا ضيعت مجهودى ع الفاضى .. ولاحظ ان انت نفسك اساس اتقانك للأدليب انك حافظ اللحن .. لكن لو لحن انت مش حافظة كان حايطلع حاجات مش مظبوطة ومع اطيب تحياتى واكرر شكرى