احبائى
مع اغنية عبد الوهاب
فيك عشرة كوتشينة
اولافيه ظاهرة كتير منكم بقا يطلب اغانى ما ينفعش تدون .. وانا نفسى انكم تدرسوا الحن اولا قبل ماتختاروه .. يعنى اللحن ده دونته بالرغم من انه معمول فى العشرينات وكان وقتها مفيش تدوين يعنى ممكن يحصل لخبطات .. ف لازم اعمل تدخلالت واؤلف فى موازير زى آخر مازورة اخترعت حرفين عشان يدخل اسينيو علىاول المازورة لأن كانت ناقصة نوار ..ولو تلاحظ ان الايقاع طول الحن مش باين يعن انا اهم شىء عندنا الدوم لازم تكون صريحة ..العازف لما بيلاقى اللحن من النوعية دى بيدى تكون .. ما بيديش دموم عشان ما يوقعش المطرب يسيبه براحته وبطعا عبد الواهب .. عبد الواهب يعنى مهما خرج بره الميزان بيعرف يرجع ويرجعبعبقرية وحرفية تقول الله مش زى بتوع داقوتى لو خرج عن الوحدة بيدخل ف عكس الاتجاه او بيطلع ع الرصيف يخبط ف اكشاك السجاير .. الكلام اللى حقوله دلوقتى .. انتممكن تسمع منه 20 % فى الاكاديميات .. يعنى انا اكاديمى وعرفت 20 % من الكلام ده فى الكلية .. لكن 80 % حقول بما انعم به الله بخيرة .. اول حاجةلما تسمع الحن ( وعايزك تسمعه خمس مرات بتركيز ) حتلاقى المقدمة حاجة متكلفتة زى موسيقى اول القرت العشرين يعنى شبع بع او تقول سمعتها فين قبل كده .. نقول ركزوا .. كان كل ما قبل 1930 او 1935 .. الليلة كلها بتاعة املطرب .. اما الموسيقى دى كانت حاجة ثانوية عندنا فى الشرق.. يعنى حاجة تسند المطرب ..فكان الملحن بيعمل الغنا فقط وبيعمل فراغات بين الكوبليهات .. طب فين المقدمة .. بيبقوا العازفين حافظين جملة فى كل مقام اسمها دولاب .. يعنلو الحن بياتى بيقولوا دولاب البياتى .. هنا اللحن راست بيقولوا دولاب الراست ويقفوا عن آخر مازورة ويكرروها لحد ما المطرب يدخل .. وكان فيه مصطلح وقتها اسمه صلح ينى املطرب بيقول صلح بياتى .. يعنى يعزفوا دولاب البياتى .. وعشان ما ابقاش بجيب الكلام من عندى شفتم فيلم لعبة الست الفنان القدير عزيز عثمان فى فرح نجيب الريجانى وتحية كاريوكا قعد على التخت وقال : صلح تانجو .. يعنى اغزفوا دولاب التانجو ..ولما تدقق فى اللزمة اللى بين الكوبليهات .. كانت جملة بتتقال فى كل اغانى نفس المقام .. حتى العازفين كانوا بيقولوها فيه لخبطة يعنىواحد طالع وواحد نازل والاتنين عكس بعض مكانش حد بيركز فيها لأن زى ما قلنا كانت المويبقى مالهاش قيمة كان كله على المطرب فقط .. يعنىانا مش انتم عارفين انى بعرف اعزف سماعى واى حاجةتقابلنى بعزفها بس عمرى ما عزفت الاغنية دى وعمرى ما افكر اعزفها بسمعها قط .. ليه لأنها اغنية غنائية محتاجة لازم حد يغنيها مالهاش قيمة لواتعزفت .. وبعدين املطرب لو غناها اكتر من تسجيل حتلاقى السكتات اللى انا كاتبها حاتختلف لأنه ماشى بيقول بمزاجه مافيش هيكل يخوطه والهيكل ده بيبقى لحن وفرقة ملتزمة ولزم وسط الغنا واللى انتم عارفينه .. عبد الوهاب عمل ثورة على القالب ده .. لن ان عنده غزارة لحنية كبرة قال ليه انا اقلدهم وعمرنا ما حنتطور .. وقال لهم اسمعوا الجملة دى بدل الدولاب .. وعمل اول مقدمة موسيقة والجمهورحبها اوى .. وابتدا يخليهم جملتين بعدين3 ويحط فيهم صولوا ومسيقى مختلفة لكل كوبليه ولزم جميلة للرد على المطرب بدل تر لرا لار لالا رم اللى كنت بتقعد تسمعها فى كل الاغانى 500 مرة والخلاصة ان فيه اغانى ما ينفعش تتعزف غيرسماعى واغانى تنفع تتعزف بنوتة لأن اللحن والتسجيل الاصلى بيبقى مقنن 100% وماعليك إلأ تنفيذ النوتة لكن النوع اللى لازم يتعزف سماعى لأن فيه حاجات مش محددة حتى لو اتكتبت نوتة اللى يسمع يحس ان فيها اخطاء مع انها مش اخطاء .. لأنى برجعها للبصح الاكاديمى والى بيختلف عن اللى المسستمع حافظه ومع اطيب تحياتى
رجاء اىحد عايز يرد بلاش يقتبس الكلام الكتير اللى انا كاتبه يعنى اكتب فيك عشرة كوتشينة وبعدين قول كل اللىعايز تفوله وذلك حرصا على زيادة عدد الصفحات وشكرا