اقتباس:
المشاركة الأصلية كتبت بواسطة omarhalim
حضرة الأستاذ عادل المحترم
يا ريت اذا أمكن تدوين صولو الكمان لاحمد الحفناوي في بداية الكوبليه الأخير من قصيدة رسالة من تحت الماء ..
مع كل الشكر والتقدير لكل ما تقوم به تجاه المنتدى .. أسعدك الله كما تسعدنا ومنحك الصحة والعافية والعمر الطويل
اخى العزيز الف شكر
الصولو ده مش صولو ولكنه تقاسيم يعنى ارتجال ماتتدونش يعنى العازف بيستعرض مهارته فى تأليف جمل او التنقل بين المقامات والحفناوى تلاقيه لو عزف التقسيمة فى عشر حفلات لازم كل مرة تبقى حاجة شكل يعنى بيبتدى بالجملة بتاعة اللحن بعدين بيخرج منها لجمل من عنده
مع اطيب تحياتى
|
شكراً استاذي الكريم صاحب الأصابع الماسية .. . في سؤال يطرح نفسه لو سمحت للاستفادة من خبرتك ..
هل يعطي الملحن ابعاد أو شكل التقسيمة للحفناوي أو يترك له كامل الحرية ؟
بحس ان الملحنين الكبار أمثال محمد عبدالوهاب , رياض السنباطي ، بليغ حمدي ؛، محمد الموجي أو كمال الطويل لا بد ان يكون لهم رؤية و رسم ابعاد التقسيمة ؟
مع امنياتي لك بدوام الصحة والعافية
احنا قلنا التقسيمة دى بتبقى ارتجال .. يعنى العازف مش حافظ حايقول ايه .. هو بيبتدى ممكن من جملة فى اللحن ويخرج منها على الابداع بتاعه ... فيه عازفيبن كبار مثلا الحفناوى او محمد عبده صالح ده ممكن يقسم فى اى لحظة ويقول تقاسيم جميلة ودول اى ملحن كبير بيترك لهم حرية الابداع بمعنى انت شغلتك التلحين انا شغلتى التقاسيم ... وفيه عازفين مالهمش فى التقاسيم مع ان ممكن يكونوا شاطرين فى العزف لكن التقاسيم موهبة تلاقيه عمال بيقول كلام فارغ مش عارف يمسك طرف خيط ... والمحلن لما بيكون العازف عملاق بيتركه يفعل كما يحلو له لو متوسط بيحكم عليه شوية .. للعلم نفس اكللام مع المطربين فيه مطربين عظام خبراء فى اتقاسيم ومطربين عظام مالهمش فى التقاسيم ومطربين عظام احيانا بييجى لهم الهام التقاسيم وبيقولوا حاجات حلوة ... الموضوع زى ماقلت لك حسب القيمة الفنين للشحص اللى حايعمل الارتجال ..