[عادل صموئيل]

المشاركة الأصلية كتبت بواسطة عمرو الهنداوي

أستاذ عادل .. في حفلة من حفلات بعيد عنك لام كلثوم .. عازف الناي سيد سالم عمل حاجة اسمها حاليا "تغزيلة موسيقية" غربية كدة في موسيقي المقطع الثاني .. انا عارف انه أكاديميا مفيش حاجة اسمها تغزيلة موسيقية على حد علمي ولكنها كانت مجموعة نغمات سريعة على نغمات اللا و الفا و الصول والمي .. ياريد لو حضرتك تتدون لنا التغزيلة دي علشان نشوف شكلها عامل أزي .. ومن خبرة حضرتك مع أم كلثوم هو كان مسموح انه عازف يخرج عن اللحن دون تنسيق مسبق معاها .. وهل فعلا هي تفاجأت بالتغزيلة دي ولا كانت عارفة بيها مسبقا .. طبعا هي قالت " أيه ده؟" بس الغريب انه الفرقة ما استغربت الموضوع وكملت عادي كإن كل شيء مرتب مسبقا .. حضرتك واجهة نظرك أيه في قصة التغزيلة دي؟

https://www.youtube.com/watch?v=C83O1-H7M8w

اخى العزيز
هى مش حاجة يعنى تستاهل الحكاية ... هى حركة عملها لا فا صول مى فا رى دوبل كروش حلية يعنى ... اما ام كلثوم قالت ايه ده يعنى بتتريق ان سيد سالم عمره ما بيعمل حليات .. او انه بيشرب مخدرات اوى يعنى ف كأن الحتة كانت متظبطة اوى يعنى نكتة من اللى بيتقالوا عن الحشاشين ... اما خروج اى عازف عن اللحن بدون ان يكون متفق عليها فى البروفات كانت بتضايق لسبب خطير .. انها متعودة على حاجة معينة وبتسمع لالازمة كويس واى خروح بيسبب لها لخبطة ممكن تخليها تلخبط فى الغنا ... والمالمشكلة هنا ان الصولو ( وشوف النوتة ) بعد سكتة ... هنا عشان يقول الحروف الكتير دى قالهاقبل الدوم يعنى فى نهاية النوار الراباع من المازورة اللى قبلها .. هى اتخضت يعنى .. ليه .. لأن لحن بعيد عنك حباتى عذاب فيه سكتة كروش فى اول كل جملة جه سيد سالم عمل خبطة كده فى الهدوء لكن مالهاش قيمة اوى يعنى مع اطيب تحياتى