[لؤي الصايم]

سميرة توفيق

تغني

مهما كتروا الحبايب

كلمات : عبد الجليل وهبة

ألحان : توفيق النمري

ــــــــــــــــــ

مهما كتروا الحبايب غيرك مابريد

قلبي ع الفرقة دايب والجرح جديد

يااللي حبك خلاني ع الفرقة خيال

بحياتك هدي بالي يا هادي البال

ما عاد قلبي يتحمل لوم العزال

حاجي قلبك يتنقل من إيد لإيد

كيف لك قلب تجافيني وتبعد عني

وتخللي قلبي الهايم يهرب مني

واللي محيرني بحبك ومجنني

لما بتزيد صدودك شوقي بيزيد

يا قلبي كتير وصيتك وناهيك

الغرام مكسر غصونك وناهيك

إنت دايب على الفرقة وأنا هيك

إنضنى جسمي وعلى نار الشوق داب

ويل ويل ويلي ويلي ويلي

كيف لك قلب تخاصمني يا ناسيني

مثل الورد بتقطفني وبترميني

كنت تقرب من صوبي وتحاكيني

عدت رجعت تحاكيني من بعيد لبعيد