[Hilal Salih]

المشاركة الأصلية كتبت بواسطة عادل صموئيل

احبائى
اقدم لكم اليوم مفاجأة هى حاجة غريبة شوية
لكن انا دايما بحب اعتبر تلاميذى اصدقائى وبحب اقدم لأصدقائى الشىء اللى بيعجبنى
يعنى الحمد لله من اهم مميزات العمل مع المعالقة ان الانسان ذوقه الفنى بيرتفع اوى
اقدم لكم موسيقى المسلسل التركى

العشق الممنوع

يعنى حاليا فيه على الفضائيات غزو تركى من المسلسلات غير مسبوق لكن موسيقى العشق الممنوع متميزة وجميلة جدا
واتمنى انها تعجبكم وان شاء الله حاتعجبكم لأن اى عضو شاف المسلسل واللى بيتميز ان عدد حلقاته كبير جدا وده معناه ان الموسيقى بتفضل تزن فى اذن المستمع فترة طويلة جدا بتخليه بيتعلق بيها .. ومن اهم مميزات الموسيقى دى ان الموسيقى جميلة مش موسيقى تصويرية فى المسلسل وخلاص
واقدم لكم مع النوتة ملف صوتى للذكرى
على فكرة : لاحظوا جمال ونقاء صوت الشيللو والآلة دى عندنا فى الشرق مشكلة لن من الصعب جدا تلاقى عازف يديك الجمال ده والنقاء ده والنغمات السليمة دى وللتاريخ كان عندنا فى الفرقة الماسية وفرقة ام كلثوم عازف شيللو بالجودة وبالروعة دى كان اسمه المرحوم مجدى فؤاد بولس كان اروع واجمل عازف شيللو فى تاريخ العرب .. يعنى انا كان اجمل شىء فى بروفات الفرقة الماسية انو كان بيبقى قريب منى يعنى عازف جميل ماحصلش او ما اتكررش تانى
مع اطيب تحياتى

يسرني أن اعلمكم أن عازف التشيلو المبدع الأستاذ مجدي بولص موجوذ بيننا هنا في سيدني/أستراليا وإنشاء الله سنلتقي به في صالون الأساذه بهيه بو حمد يوم الجمعه 5/5/2017 عسى الله أن يطيل عمره ويدديم صحته