فيه ست تاخد إيديك وتعـــوّدك ع العـــوم
و ست تفــتن عليك وما تختشــــيش اللوم
وست تخسر عنيك وتعــــــيش معاها يوم
وست دايما يبان الشـــــر فى عنـــــــــيها
من غير كلامها تشوف الكــدب فى عنـيها
تهمز وتغمز وعايزه رصاصة فى عنـيها
ويبان عليها النـّـكد لو كات فى عز النوم
,,,,
وست زىْ الدكر محسوبة ع النســـــوان
وتسوق دلالها وتعمل لك تلات نســــوان
ما تسوى كيلوالبصل لو جات سوق النسوان
ولسان ولا العــقربه لمْ فيها طعم حـــــريم
مين قال على الارنبه تشــبه لأىْ حـــريم
وتلاقى جوزها حلف ما يحب صنف حريم
ويقول قطيعة الحريم ح اقعد بدون نسوان
,,,,
وست تسْـــــعد قلوب الناس بمنــــظرها
تنطق كــــــــلام بالحِكم ويزينه منظرها
لابسة تياب الأدب وكــــــــفاية منظرها
بتصب شـــــــهد الكلام والمستمع يشرب
والليّ وقع فى الغرام مكتوب عليه يشرب
وعيون تدارى العسل لمّا الرموش تشرب
ساعـــة ما تشرب تبان المايّه من زورها
,,,,
أصل الحريم باختصار ريحه وطعم ولون
واللىّ ابتلى محتار بين ألف صنف ولون
والحٌرمة لو تخـــدعك يظهر لها كام لون
ما تاخدش وش الخراب لو كان ابوها مين
تعيش معاها ف عذاب تسأل على اسمك مين
لو لمّوا كل البلد بالبـٌــــــــــــوية والبيتامين
ما يزينوا وش الحزين لو حطـُّوا فيه ميت لون