[caesar waleed]

شيخ ريا
و قصيدة شيخ ريا قالها العبادي في حفلة صديق له يسمي "شيخ ريا" و هي من غناء و ألحان سرور




شيخ ريا حسبك من فخر .... ليك البدور طائعات تخر
*******
اذكر ليالي العاصمه .... المن سوء إلهك عاصمه
هي جنة شرطا عاصمها .... يلمس بنان في معاصمه
******
كانت ليالي مواسما ....أنوار تلالى في السما
في قلبي دائما راسمها ..... لكن حروفها مجسمه
*******
اذكر ليالي المهرجان .... الجو صفا خالي من الدحان
مما رأيت تلك الوجان ..... أنا عقلي فرّ ركبلو جان
*******
أيام انس ما اقصرا ..... وراحت وكأن لم نبصرا
يا ربى خدر عنصرا .... وانصر جيوش بختنصرا
******
أيام سرور بسراع تمر .... والزول يقنب فوق جمر
لو تانى عادت ولى أمر .... اليوم أبدلو بى عمر
*******
ما شفتهن حين قالو جن .... زى الكهارب بهرجن
اوعى السلوك فوق الوجن ... بالنظره ليك بتلجن
*******
خفن الشموس حين قنبن .... وجن شلوخن وعلبن
صيد الخلا الما طنبن ....في قلبي نزلن وطنبن
*******
لو شفتهن تحت القصر .... حاملات نياشين النصر
خلت البدور طلعت عصر ..... أو درتناثرخم وصر
********
يا صاحب اذكر جلستن ..... وألطاف مناظر خلستن
مولاي حواك من حبستن .... اجى يبسطنى وابسطن
********
صيح سرور وتلاه الأمين ..... ضلت قلوب العالمين
عاقلنا يلزمني اليمين .... ما عرف شمالو من اليمين
********
بادر ظبي وشغل القلوب .....بى لطفو للأنظار جلوب
كم بى لحاظو هزم تلوب .... وقتل اسود عاد بالسلوب
*******
الله قد تعس الكفر ..... فضح الشمس وقتين سفر
ست الشلوخ واقفات قفر .... لفاها غالية النفر
******
النقرابى من بينن طفر ..... قال لينا في عينكم ضفر
جار لي وضيبو الانضفر ..... ليل قلنا قال لكن كفر
******
شبه اريلا حاول فزاز .... عينيها والجيد جام قزاز
بى عوده يا بت العزاز ..... تلكم ليالينا اللذاذ
*******
النطعه خز والقامه زان ...... واللون تقول الخيرزان
حين وقعولو النقرزان ..... جلّ الغنى اللى صورتو زان
*******
عملن القلوب كورة قدم ..... يلعبها وهى في العدم
كهربنا والصف انهدم .... تلقانا قتلى وما في دم
*******
ياعــــــمر ...... سوق الأدب بيك انعمر لله درك
ضرغام وابهى من القمر ..... وألطف وارق من السمر
*****
بعوده يا مولاي تعود .... أيام هنا وطالع سعود
نتلاقى في اقرب وعود.... يبقى الحسود فوق عينه عود


شيخ ريا كلمات: الشاعر ابراهيم العبادي الحان وغناء: الفنان الحاج محمد احمد سرور اداء: الفنان بادي محمد.

https://www.youtube.com/watch?v=5pswlSLG_TM