[caesar waleed]

يسعدني ان يكون اول موضوع لي في منتداكم العامر عن حقيبة الفن السودانية
يتبادر الي ذهنكم من الوهلة الاولي ماذاء تعني حقيبة الفن ؟؟؟؟
للاسم قصة وسوف اسردها لكم.

محاولة لمعرفة حقيقة اغنية الحقيبة ولماذا سميت بحقيبة الفن

من عام 1918م الي اواسط الاربعينات قد عرفت بهذا الاسم الخالد نسبة للحقيبه التي كان يحملها الاعلامي المرحوم احمد محمد صالح
وبداخلها الاسطوانات التي كانت تحوي هذه الاغنيات ليعمل علي تقديمها عبر الاذاعه السودانيه *** هنا امدرمان***
وليس كماهو مغلوط وكثير من الناس بان كلمة الحقيبه قد اطلقت علي هذا الون من الغناء في فتره لاحقه وحديثه نسبة لتاريخ هذا الفن وان مصدرها في الغالب هو كلمة حقبه من الزمن

ونجد ان حقيبة الفن مليئة بي رواد الكلمه ورواد الغناء ونجد انهم هم الاساس بالنسبه للغناء السوداني او حجر الاساس للاغنيه السودانيه

ومن رواد الكلمه الذين اضافوا الي الاغنيه السودانيه الكلمه والاحساس الراقي والتعبير الجميل كثيرون ومنهم ود الرضي *ابو صلاح * ابراهيم العبادي * عبدالرحمن الريح *عبيد عبدالرحمن *عتيق *العمرابي * خليل فرح *الامي*حميدة ابوعشر


ونجد ايضا من رواد النغم غناء الحقيبه مثالا لا الحصر* كرومه اولاد توتي *سرور* خليل فرح *عمر البنا* عوض شمبات* ابراهيم عبد الجليل* التوم عبد الجليل*

ولابد هنا من الاشاره الي انه في البدايات الاولي للغناء السوداني كان هناك عازف من منطقة الشماليه وهو بشير الرباطابي وله تسجيل في اذاعة امدرمان وهي كانت قصيده للشاعر ابو صلاح ولها السبق في انها اول اغنيه حقيبة بصحبة الطمبور وهي:-

لوتجازي لوتسمحي *مني ريدك مابتمحي
بي خيول الشوق أرحمي *واروي دمعي البطمحي
بس عشوقك لاتقمحي *بي طريف العين المحي
بريض فاهم سر الوحي* الفي حواجبك بتلوحي
تمسي هجة ونور تصبحي *وفي قلوب الناس تربحي
ياالحمامة البتصبحي *بي فريعك بتميحي
كيف عزولك لاتروحي *وانت جنة ونار تقدحي
يازهير الروض فتحي *والنسيم بالطيب كتحي
من غصونك ماتبرحي *يوم تبكي ويوم تفرحي
المبكم بتنصحي *وبي نغيمك بتفصحي
هاك عقلي الطاش انصحي*وكان مغيب والان صحي

وكانت هذه الاغنيه من اوائل الاغاني لتي تسجل في الاذاعه السودانيه انذاك
ومن هنا ان شا الله ستكون لنا بقيه مع اغاني الحقيبه السودانيه ونماذج من الاشعار والشعراء باذن الله تعالى