[حمدى شبانة]

شخصيات الأدباتى
ــــــــــــــــــــ
أحمد بن حنبل

شخصية الليلة اتحمِّل
سجنُه ( الخليفة ) شوف إتأمِّل
ف ( المحنة ) صامد وكمِّل
فقيه وكان صاحب فكرة
الله الله يابدوى جاب اليسرا

ولمَّا سجنُه ( المأمون )
قال دا رأيى مهما يكون
وربنا معايا ف العون
العلم نور لو كان قطرة
الله الله يابدوى جاب اليسرا

خرج من السجن وهوَّة
أكتر من الأوِّل قوَّة
و( مذهبُه ) و( علمُه ) أهوَّة
حيعيش لنا دُنيا وآخرة
الله الله يابدوى جاب اليسرا