[عادل صموئيل]

احبائى
انا النهاردة فى منتهى السعادة اولا لأنى عرفت اساس المشكلة , يعنى الاخ العزيز وليد كان متضايق من ايه .. وهو امبارح كتب لى على الخاص حكى لى الموضوع وانا رديت عليه رد طويل جدا اطول من الازم وبعدين قلت له استسمحك ان ننشر رسالتك دى على المنتدى لأنها حاتريح اجلميع وانا اولهم وهو مشكورا وافق .. عارفين ادلكتور النفسانى لما يكون حد عنده مشكله بيخليه يتكلم لحد ما يقول قصة معينة حصلت له وطالما قالها المشكلة بتتحل والعقدة تتفك ,, ولعلمكم اكتر حاجة تؤلمنى لما يكون اى حد متضايق منى او زعلان منى ف حاجة ... اتضح ان سبب المشكلة بدأ من 6 سنوات حفلة عيد ميلادى الاولى واللى عزمنا مشكورا الاخ العزيز عاصم المنشاوى ( واللى لو مارجعش الصفحة حاروح اقبض عليه واحطه هنا ف الصفحة قسريا لأننا مانقدرش نستغنى عن وجوده ) , ايه ظروف الحفلة .. ان عاصم مشكورا حب يعملها فى فندق 7 نجوم وعشان ما يتعبنيش اختار فندق السلام عشان بينه وبين بيتى كيلو متر واحد .. انا طبعا عارف انو بيبعد عن وسط القاهرة 13 كيلو مشوار يعنى .. ف بالطبع ممكن ناس ماتقدرش تيجى .. كمان اللى عامل الحفلة عاصم مش انا يعنى هو صاحب الحفلة وانا معزوم فيها يعنى مين ييجى ومين مايجيش ده يخصه هو مش انا ... الحاجة الاهم ان حضورك لعيد ميلادى مش فريضة او فرض عشان انا احس انك بتحبنى ... وحقول لكم حاجة جانبية انا احب الشرح والتوضيح .. فاتن حمامة مثلا كانت متواضعة جدا مش محبة للظهور كان ف عيد ميلادها بيتعملمن غير ماحد يعرف يادوب اولادها وزوحها واتنين من صديقاتها المقربي اوى اللى معاها طول النهار كل يوم تقريبا فقط .. مع ان فاتن لو عايزة تتمنظر كان ممكن تعمل حفلة فى استاد القاهرة ومحبيها حايملو الاستاد .. فى المقابل ممثلة تانية من بتوع دلوقتى انا طبعا حافظهم ..غاوية منظرة عشان هى مش فنانة اوى يعنى .. بتعمل عيد ميلادها 4 مرات فى السنة وفى اقصى درجات البذخ وبتعزم ناس اللى ييجى يبقى من اصدقائها واللى مايجيش يبقى عدوها .. طبعا فرصة للمنافقين انهم يروحوا مش حبا فيها ولكن بيتعشوا والى عايز يسكر واللى عايز اى حاجة .. انا مش كده ... مش فاهم انا ايه اللى خلى الاخ العزيز وليد يفهم انه انا زعلت منه وقافل معاه لحد دلوقتى عشان كده .. مع ان معظمكم ماجيتوش هل علاقتى بيكم اتغيرت ؟ السنة اللى بعدها الاخ الفاضل العزيز الدكتور اشرف محفوظ عزمنا فى نفس المناسبة ... والاخ العزيز وليد كان من ضمن الحضور وزى ماقال لعاصم انه كان فاهم انى زعلان منه مشكورا جاب لى هدية .. ( مع انى طبعا مش منتظر منكم هدايا ) .. الهدية دى كانت عبارة عن زجاجة برفان ... اقول لكم حاجة تضحك عشان نمسح كل التوتر .. انا طبعا ممكن طول عمرى استعملت كام زجاجة برفان .. بس الزجاجة بتاعة وليد دى كانت اشهر زجاجة برفان فى حياتى .. انا عندى صومعة خاصة جدا مليانة كركيب بحتاجها .. من ضمن نها سماعتين كبار من اللى موجودين فى كل المحلات دلوقتى بيشغلوا عليها حاجات اللى فيها مدخل فلاشة طبعا كلكم عارفينهم .. وجنبهم استاند عليه مايك متزصل بيهم ساعات كنت احب اعزف واشغل السماعات يعنى الصوت لما بيبقى على شوية بحس اكتر بالعزف .. جنب السماعتين دول متعود بحط مفاتيح سيارتى وجنبهم زجاجة البرفان اللى بستعملها دلوقتى .. يعنى وانا خارج بحط بارفان وباخد المفاتيح .. عندى حفيدتين اسمهم ميرنا ورنا .. دول بيحبونى اوى لأنى بمثل بالنسبة لهم خاتم سليمان يعنى .. وانا معودهم بيندهونى بإسمى .. دخلوا على الصومعة واتحايلو عليا اشغللهم الميكروفون الاول عملوا مذيعات بعدين اندمجوا بقوا يغنوا .. طبعا بيغنوا حماقى وتامر حسنى .. طبعا انا مش بطيق الاغانى دى قفلت عليهم الباب ورحت مكان تانى ... ولما اندمجوا اوى واحدة منهم طلعت فلاشة من جيبها وشغلتها وطبعا الاغانى دى زى ماقلت ... الاغانى دى معمولة مخصوص عشان يترقص عليها طبعا واخدين راحتهم اوى وقعدوا يرقصوا واندمجوا فى الرقص وحركتهم وسعت المهم واحدة منهم ايدها خبطت فى زجاجة البرفان بتاعة وليد دى طيرتها نزلت ع الارض 500 حتة وانفجرت فى الصومعة قنبلة البارفان .. طبعا الريحة كانت جميلة بس خانقة .. والبرفان الكويس ريحته مش بتروح بسرعة .. راحوا جايبين منظفات راقية عشان ينظفوها قلت لهم ولا محل المنظفات الراقية كلو حايضيع ريحة البارفان .. هاتوا اوحش روائح يعنى حمض فينيك وثانى اكسيد الزرنيخ وكبريتات الحديدوز .. وقعدت الرائحة كذا يوم ..
ده الجزء الاول فيه كمان كذا جزء