منتدى سماعي للطرب العربي الأصيل - عرض مشاركة واحدة

**Hisham Khala** · #1 05/08/2015, 01h35

قناة السويس الجديدة
كلمات الاستاذ رائد عبد السلام
موسيقي و اداء د. هشام خلف

موال :
ياللي بناكي الجدود بالدم والأرواح
وعليكي عبر الجنود بالسعد والأفراح
ألفين سلام يا قنال
يا غزال و متحنّي
زمن الجراح آهو راح
والشط بيغنّي :

يا نسمة ميلي علي الشطين
شريان حياتنا حيبقي اتنين

إحنا الإيدين الشـــغّالة
عاشت إيدين الرجالة
الحب مش بس قوالة
مدد يارب و صلا ع الزين
يا نسمة ميلي علي الشطين ..........

تعيشي يا سويس يا عروسة
يا غزالة عايقة و محروسة
تستاهلي مننا 100 بوسة
يا قلب مصر ... يا ضي العين
يا نسمة ميلي علي الشطين .........

------------------------------
يا مصر وانتي الدوا للداء
و حبنا و أغلي الأسماء
أميرة حواليكي العشاق
طايرين و فاردين الجناحين
يا نسمة ميلي علي الشطين ......
---------------------

يامصري هات إيدك شارك
دي الإيد علي الإيد تتبارك
اليأس كان هم و بارك
شوف كنا فين و وصلنا لفين ؟
يانسمة ميلي علي الشطين ........

https://www.youtube.com/watch?v=oB4OQSDKQ8k

مرفق أيضاً ملف الموسيقي فقط و أرحب بمن يريد غناءها