رد: طلبات نوتة أ / عادل صموئيل الجزء الثانى
الأستاذ / عادل
أرجو ان تخرج من حالة الضيق مما يحدث حاليا فى مصر ...ياما دقت عالروس طبول ياأستاذ /عادل
وده قدرنا وقدر مصر ...وحظ الجيل ده اللى شاف ايام مايعلم بيها ألا ربنا ...
والمثل البلدى المصرى بيقول "من شاف بلوة غيره ...هانت عليه بلوته"....
ففى سوريا الجريحة ماهو أفظع من عندنا وفى العراق واليمن وليبيا....ربنا يحفظهم جميعا
الحمد لله على كل شئ ويتبقى فى النهاية وقوفنا خلف جيشنا وقيادتنا وأعطائهم الثقة والأمل فى أنتهاء
هذه الهجمة الشرسة على منطقتنا ...
عندى سؤال يااستاذ /عادل
كنت باسمع حفلة للراحلة وردة الجزائرية غنتها فى ديسمبر 1974 ...غنت أسمعونى ومادريتوش ...وبعد أنتهاء الحفل
...عزفت الفرقة الماسية السلام الجمهورى "والله زمان ياسلاحى"....فهل ده كان تقليد متبع مع كل المطربين ...يعنى ماسمعتوش مع عبد الحليم ...ولاّ عشان كان دايما بيبتدى ب "أحلف بسماها وبترابها"...ثم "عاش اللى قال"...هل دى كانت أوامر للفرقة الماسية ...هل ده بيتم فقط فى حضور مسئول مهم ...هل ده توقف بعد فترة؟؟..ومتى توقف ...هل كانت فرقة أم كلثوم برضو تعزف السلام الجمهورى ...مااعتقدش لأنى ماسمعتوش فى حفلاتها المذاعة ...
اخى العزيز
كل حد ربنا غضبان عليه بيسيبه يتنطط شوية بعدين بيخليه يقف قدام القطار عشان يفرمه فاكر التتار ؟ بهدلوا الدنيا لكن لما ربنا غضب عليهم اوى طلعها فى مخهم ييجوا على مصر واتدفنوا على الحدود ... يعنى ربنا خلاهم يقفوا قدام القطار ... ومصر مذكورة شوف كام مرة فى الكتب السماوية والرسول قال على اجنادها خير جناد الارض .. واللى بيعتدى على مصر بيقف قدام القدار لأننا بنحارب دفاع عن نفسنا عمرنا خلال 7000 سنة لا اعتدينا على حد ولا قتلنا اسرى ولاخالفنا الاديان .. ده انا امبارح كنت بسمع شيخ جليل بيقول الرسول الكريم حرم قتل الناس اللى زى المصريين دول يعنى قال كلمة ( اول مرة اسمعها ونسيتها له اسم ) ما معناه انك لو بتحارب وفى الحرب دى ناس من دولة تانية جايين ياكلوا عيش فى الدولة اللى انت بتحاربهم محظور عليك تقتلهم طالما مارفعوش عليك سلاح .. فإما دولماعندهمش فكرة عن الدين والمحرمات ايه اما انهم ضاربين بالدين عرض الحائط
اما عن السلام الجمهورى لما يتعزف فى آخر الحفلة ده اكيد لازم كانت اما حفلة فى مناسبة عسكرية او بحضور ضباط كبار او فى حفلات عيد الثورة .. يعنىك نا كتير بنروح حفلات اما فى حاجة عسكرية او فيها رئيس الجمهورية وهنا لازم يتعزف السلام الجمهورى والعسكريين يعظموا له لكن الحفلات العادية لأ
اما حليم لما كان بيبتدى اى حفلة ب بحلف بسماها ده كان منه هو فى حب الوطن فى اى حفلة عادية
عايز من اى حد منكم اغنية م العين دى حبة والعين دى حبة لمحمد رشدى بس التسجيل القديم الاصلى لأن كل الموجود التسجيل الجديد المزع وده مقزز
مع اطيب تحياتى
التعديل الأخير تم بواسطة : عادل صموئيل بتاريخ 18/02/2015 الساعة 20h28
|