[سليم العباس]

.شكرا لك استاذ عادل على التدوين الرائع لموسيقا لعبة لينا و الذي تعلمت منه بقدر ما استمتعت بعزفه. بدافع الفضول استاذنا العزيز ما هي الجملة اللحنية الأقرب اليك و تعتقد انها علامة فارقة في الموسيقا العربية؟

شكرا لك و دمت بصحة و سعادة .
اخى العزيز
اولا اشكرك وعلى فكرة انا خلصت الاغنية التانية حانزلها بكره ان شاء الله
اما بالنسبة لى انا شخصيا مفيش جملة اقدر اقول انها علامة فارقة فى الموسيقى العربية ... انتم كمستمعين او حتى كعازفين ممكن تقولوا ده .. لكن انا اولا من وانا سنة خمس سنوات كنت حافظ كل الاغانى والموسيقى اللى كانت بتتذاع فى الراديو لحد سنة 1955 .. وبعدين لما اتعلمت العزف طلعوا كلهم معايا سماعى .. وبالطبع كنت متابع وبحفظ كل جديد يعنى ربنا ادانى الحمد لله موهبة الحفظ بسرعة جدا كانت ام كلثوم تغنى الاغنية الجديدة يوم الخميس على يوم الاحد عندى كان ناس كتير اوى تيجى تسمعها منى .. واستمريت ع الحال ده لحد وانا سنى عشرين سنة وبأت العمل مع العمالقة ... الاول كانت الاغنية بتوصلنى فى الراديو كاملة لكن معاهم كنت بشوف الاغانى بتتعمل ازاى ... والعبقريات دى ايه بالظبط .. يعنى اى ملحن زى عبد الواهب مثلا لما يعمل اغنية زى ودارت الايام ... لما تكون فاضى حاول تعد كام جملة موسيقية فيها .. كانت البروفة تبدأ ممكن نشتغل من اول الكوبليه الاول مش بنبتدى من اول المقدمة على فكرة ... كان الجمل اول بروفة الملحن لما يسمعها ممكن واحنا فى البروغة يغير فيها حروف وعادة تانى يوم ممكن يغير كذا جملة من الكوبليه يعنى يعزف جمل حذف تام ويضيف مكانها جمل جديدة .. بإختصار بحيث ان لما اللحن يخلص بيبقى روعة الروائع مفيش بعد كده ... اخطر حاجة فى البروفات كان الملحن ( على فكرة كلهم مع كل المطربين الكبار ) بينظر فى عينينا بمنتهى الشغف يشوف تأثير اجمل الموسيقسية اللى بنعزفها علينا واحنا بنسمعها اول مرة لو وجوا الملحن جهاز زى عداد جايجر يعنى بيحس بأى ذبذبات تطلع مننا .. لو ماحسش ان الجملة دى حلوة اوى او قلنا الله او اى حاجة تانى يوم لازم يغيرها .. الحاجة التانية انا العبد الفقير الى الله عادل صموئيل فيا ميزة مش موجودة عند عبد الوهاب او السنباطى .. ايه هى ... ان عبد الوهاب من ساعة مابقا مطرب كبير بقا مايسمعش غير الحانه فقط .. يعنى وهو صغير كان بيسمع ويحفظ كل اللى سبقوه لكن لما بقا كبير لازم يركز فى الاستايل بتاعو ... يعنى ممكن لو سمع الاطلال مثلا بيسمعها بسرعة وممكن ينساها عشان متأثرش على الاستايل بتاعه .. اما انا كنت حافظ كل شغل عبد الوهاب والسنباطى وكل الملحنين ... المشكلة لاخطيرة ان ممكن يكون البواب بتاع العمارة بتاعة ملحن ما مشغل الراديو على اغنية ما .. والملحن داخل العمارة جملة من الاغنية دى تلزق معاه .. بدون ان يدرى .. بعدين ممكن لما ييجى يلحن ممكن الجملة دى تطلع معاه هو عشان مش حافظ كل شغل الملحنين التانيين زى ماقلت مش بيحس انها بتاعة اغنية كذا للملحن الفلانى .. او تطلع حاجة شبهها اوى ... كنا فى البروفة لو حاجة زى كده بننبهه ان الجملة دى اتسمعت قبل كده او حاجة شبهها وبالطبع لازم يغيرها فورا ... بعدين اخطر واهم حاجة فى سمات التلحين فى الزم الجميل ان اى لحن بيبقى مش ممكن لو شبيه والا اللحنين حايسقطوا .. يعنى فريد مثلا عمل لحن ... وبعد 30 سنة عمل لحن شبهه اوى وبعد ماسجله واتصرف عليه الفلوس منعه من الاذاعة ... لأنك حاتسمعه تحس انو كرر نفسه ... حتى مثلا فى مقدمات ام كلثوم تلاقى جملة ما بتتقال 6 مرات تلاقى كل مرة بيضيف اليها حاجة ماتسمعهاش مرتين زى بعض .. من هنا ما اقدرش اقول جملة كذا فارقة لأن اى جملة عملوهامش فارقة كنت انت كمستمع عمرك ماحاتسمعها
مع اطيب تحياتى عادل صموئيل